തിരുവനന്തപുരത്ത് ഇന്ന് 533 പേർക്ക് കൊവിഡ് : 519 പേര്‍ക്ക് രോഗമുക്തി

Ajith.A

21 September 2020 06:21 PM

തിരുവനന്തപുരം: തലസ്ഥാന ജില്ലയില്‍ ഇന്ന് കൊവിഡ് സ്ഥിരീകരിച്ചത് 533 പേര്‍ക്ക്. ഇതില്‍ 497 പേര്‍ക്ക് സമ്പർക്ക്ത്തിലൂടെയാണ് രോഗബാധയുണ്ടായിരിക്കുന്നത്. അതേസമയം, ഇന്ന് മാത്രം 519 പേര്‍ ജില്ലയില്‍ രോഗമുക്തിയും നേടിയിട്ടുണ്ട്. ജില്ലയില്‍ മരണമടഞ്ഞ നാല് പേര്‍ കൊവിഡ് രോഗബാധിതരായിരുന്നു എന്നും ഇന്ന് സ്ഥിരീകരിച്ചിട്ടുണ്ട്. സെപ്റ്റംബര്‍ 16ന് മരണമടഞ്ഞ തിരുവനന്തപുരം നെടുമങ്ങാട് സ്വദേശി സോമശേഖരന്‍ (73), സെപ്റ്റംബര്‍ 17ന് മരണമടഞ്ഞ തിരുമല സ്വദേശി ഭാഗീരഥി അമ്മ (82), റസല്‍പുരം സ്വദേശി രമണി (65), കരിയ്ക്കകം സ്വദേശി സുരേഷ് ബാബു (57) എന്നിവര്‍ക്കാണ് രോഗം ഉണ്ടായിരുന്നതായി ആലപ്പുഴ എന്‍.ഐ.വി സ്ഥിരീകരിച്ചത്.