പൂന്തുറയില് ആരോഗ്യ പ്രവര്ത്തകരെ പൂക്കള് നല്കി സ്വീകരിച്ചു
തിരുവനന്തപുരം: പൂന്തുറയില് ഇന്ന് ആരോഗ്യ പ്രവര്ത്തകരെ പൂക്കള് നല്കി സ്വീകരിച്ചു. കഴിഞ്ഞ ദിവസങ്ങളില് ജനങ്ങളും ആരോഗ്യ പ്രവര്ത്തകരും പോലിസുമായി ഉണ്ടായ പ്രശ്നങ്ങള്ക്ക് അയവ് വന്നിരിക്കുകയാണ്. തെദ്ധിധാരണകള് മാറിയതോടെയാണ് ജനങ്ങള് പൂക്കള് നല്കി ആരോഗ്യ പ്രവര്ത്തകരെ സ്വീകരിച്ചത്.
ആരോഗ്യ പ്രവര്ത്തകര്ക്കു നേര്ക്ക് ഏതെങ്കിലും തരത്തില് അവര്ക്ക് വേദനാജനകമായ ഏതെങ്കിലും അനുഭവമുണ്ടായെങ്കില് അതിന്മേല് മാപ്പു ചോദിച്ചു കൊണ്ട് ആരോഗ്യ പ്രവര്ത്തകര് വരുന്ന വാഹനവ്യൂഹത്തിനു മുകളിലുടെ പുഷ്പങ്ങള് വര്ഷിച്ചും പുഷ്പങ്ങള് കൊണ്ടുള്ള ബൊക്കെകള് നല്കിയുമാണ് നാട്ടുകാര് സ്വാഗതം ചെയ്തത്. നേരത്തെ ഉണ്ടായ പ്രതിഷേധങ്ങളെ തുടര്ന്ന് പൂന്തുറയിലേക്ക് വരാന് തന്നെ പല ആരോഗ്യ പ്രവര്ത്തകരും ഭയന്നിരുന്നു.