കൊല്ലം കടയ്ക്കൽ പഞ്ചായത്തിൽ 19 ൽ 19 ഉം എൽഡിഎഫ്
കടയ്ക്കൽ : . കടയ്ക്കൽ പഞ്ചായത്തിൽ എൽഡിഎഫിന് സമ്പൂർണ വിജയം. ആകെയുള്ള 19 വാർഡുകളും ഇടതു മുന്നണി തൂത്തുവാരി. കഴിഞ്ഞ തവണ രണ്ട് സീറ്റുണ്ടായിരുന്ന യുഡിഎഫിന് ഇത്തവണ ഒരാളെപ്പോലും വിജയിപ്പിക്കാനായില്ല. പ്രതിപക്ഷമില്ലാത്ത പഞ്ചായത്തായി മാറിയ കടയ്ക്കൽലിൽ ഭൂരിഭാഗം വാർഡുകളിലും 400 മുതൽ 650 വരെ വോട്ടിൻ്റെ ഭൂരിപക്ഷം നേടി എൽഡിഎഫ് ആധികാരിക വിജയം നേടുകയായിരുന്നു.
കഴിഞ്ഞ തവണ കടുത്ത ത്രികോണ മത്സരം നടന്ന ഇടത്തറ, വെള്ളാർവട്ടം, വടക്കേവയൽ വാർഡുകളിലും ആധികാരിക വിജയമാണ് ഇടതു മുന്നണി നേടിയത്. വിജയികൾ കടയ്ക്കൽ വിപ്ലവ സ്മാരകത്തിൽ പുഷ്പാർച്ചന നടത്തിയ ശേഷം ടൗണിൽ പ്രകടനം നടത്തി.