കോവിഡ് മരണത്തില്‍ ഇന്ത്യ ബ്രിട്ടണെ മറികടന്നു
ന്യൂഡല്‍ഹി: കോവിഡ് മരണത്തില്‍ ഇന്ത്യ ബ്രിട്ടണെ മറികടന്നു. അമേരിക്ക, ബ്രസീല്‍, മെക്‌സിക്കോ എന്നി രാജ്യങ്ങളാണ് ഇന്ത്യക്ക് മുന്‍പില്‍. ഇന്നലെ 934 കോവിഡ് മരണങ്ങള്‍ കൂടി റിപ്പോര്‍ട്ട് ചെയ്തതോടെയാണ് മരണസംഖ്യയില്‍ ഇന്ത്യ ബ്രിട്ടണെ മറികടന്നത്. ഇന്ത്യയില്‍ കോവിഡ് മരണം 47000 കടന്നിരിക്കുകയാണ്. 47,065 പേര്‍ക്കാണ് ഇതുവരെ വൈറസ് ബാധയെ തുടര്‍ന്ന് ഇന്ത്യയില്‍ ജീവന്‍ നഷ്ടമായത്. എന്നാല്‍ വേള്‍ഡോമീറ്റര്‍ കണക്ക് അനുസരിച്ച്‌ ബ്രിട്ടണില്‍ മരണസംഖ്യ 46,706 ആണ്. 13 ദിവസം മുന്‍പാണ് ഇറ്റലിയെ മറികടന്ന് ഇന്ത്യ അഞ്ചാം സ്ഥാനത്ത് എത്തിയത്.
എന്നാല്‍ ഇന്ത്യയില്‍ മരണനിരക്ക് കുറവാണ്. മരണനിരക്ക് രണ്ടു ശതമാനത്തില്‍ താഴെയാണെന്ന് കേന്ദ്രസര്‍ക്കാര്‍ വ്യക്തമാക്കുന്നു. കോവിഡ് ബാധിതരുടെ എണ്ണത്തില്‍ ഇന്ത്യ മൂന്നാം സ്ഥാനത്താണ്. അമേരിക്ക തന്നെയാണ് ഇതിലും മുന്‍പന്തിയില്‍. ബ്രസീലാണ് രണ്ടാം സ്ഥാനത്ത്. ഇന്ത്യയില്‍ കോവിഡ് ബാധിതര്‍ 24ലക്ഷത്തിലേക്ക് അടുക്കുകയാണ്.
Related News
കോവിഡ് ഡ്യൂട്ടിക്ക് ഹാജരാകാത്ത രണ്ട് ഡോക്ടര്മാരെ പിരിച്ചു വിട്ടു
51,887 പേര്ക്ക് കോവിഡ്-19 സ്ഥിരീകരിച്ചു
ഇന്ന് 16,671 പേര്ക്ക് കോവിഡ്; രോഗമുക്തി നേടിയവര് 14,242
പ്രഖ്യാപിച്ചത് വന് ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം