ഹോണ്ട ഹൈനെസ്സ് സിബി 350 എത്തി; ബുക്കിംഗ് തുടങ്ങി
ഹൈനെസ്സ് (H'ness) സിബി 350-യെ വിപണിയില്‍ അവതരിപ്പിച്ച്‌ ഹോണ്ട. റോയല്‍ എന്‍ഫീല്‍ഡ് ക്ലാസിക് 350 ആയിരിക്കും പ്രധാന എതിരാളി. ഹോണ്ടയുടെ പ്രീമിയം ബൈക്കുകള്‍ വില്‍ക്കുന്ന ബിഗ് വിങ് ഡീലര്‍ഷിപ്പുകള്‍ വഴിയാണ് ഹൈനെസ്സ് സിബി 350 വില്പനക്കെത്തുക. ഉടന്‍ ബിഗ് വിങ് ഡീലര്ഷിപ്പുകളുടെ എണ്ണം ഹോണ്ട വര്‍ധിപ്പിക്കും. ഹോണ്ട ബിഗ് വിങ് ഡീലര്‍ഷിപ്പ് വഴിയോ ഓണ്‍ലൈന്‍ ആയോ 5,000 രൂപയ്ക്ക് ഹോണ്ട ഹൈനെസ്സ് സിബി 350-യുടെ ബുക്കിംഗ് ആരംഭിച്ചു.
മഴത്തുള്ളിയെ അനുസ്മരിപ്പിച്ചുക്കുന്ന പെട്രോള്‍ ടാങ്ക്, വൃത്താകൃതിയിലുള്ള ഹെഡ്‍ലാംപ്, വൃത്താകൃതിയിലുള്ള റിയര്‍വ്യൂ മിറര്‍, സിംഗിള്‍ പീസ് സീറ്റ്, നീളം കൂടിയ ഹാന്‍ഡില്‍ ബാര്‍, നീളം കുറഞ്ഞ മുന്‍ മഡ്ഗാര്‍ഡ് എന്നിവയാണ് ഹൈനെസ്സ് സിബി 350-യുടെ സവിശേഷതകള്‍. ഈ ഇന്‍സ്ട്രുമെന്റ് ക്ലസ്റ്റര്‍ മൈലേജ്, ഗിയര്‍ പൊസിഷന്‍ ഇന്‍ഡിക്കേറ്റര്‍, ബാറ്ററി വോള്‍ടേജ്, പെട്രോള്‍ നിലവാരം തുടങ്ങിയ വിവരങ്ങള്‍ നല്‍കും. ഡീലക്‌സ്, ഡീലക്‌സ് പ്രോ എന്നിങ്ങനെ രണ്ട് പതിപ്പുകളിലാണ് ഹോണ്ട ഹൈനെസ്സ് സിബി 350 വില്പനക്കെത്തുക.
348.36 സിസി, സിംഗിള്‍ സിലിണ്ടര്‍, എയര്‍-കൂള്‍ഡ് എഞ്ചിനാണ് സ്റ്റീല്‍ ഡബിള്‍ ക്രാഡില്‍ ഫ്രെയിമില്‍ നിര്‍മ്മിച്ചിരിക്കുന്ന ഹോണ്ട ഹൈനെസ്സ് സിബി 350-യ്ക്ക് ലഭിക്കുന്നത്. 5,500 ആര്‍‌പി‌എമ്മില്‍ 20.5 ബിഎച്ച്‌പി കരുത്തും 3,000 ആര്‍‌പി‌എമ്മില്‍ 30 എന്‍‌എം പീക്ക് ടോര്‍‌ക്കും നിര്‍മ്മിക്കുന്ന ഈ എന്‍ജിന്‍ അഞ്ച് സ്പീഡ് ഗിയര്‍ബോക്‌സുമായാണ് ജോഡിയാകുന്നത്. ടെലിസ്കോപിക് മുന്‍ സസ്‌പെന്‍ഷനും ഡ്യുവല്‍ സ്പ്രിങ് പിന്‍ സസ്പെന്‍ഷനുമാണ് ബൈക്കിന് ഉള്ളത്. ഡ്യുവല്‍ ചാനല്‍ എബിഎസിനൊപ്പം 310 എംഎം ഡിസ്ക് മുന്‍ചക്രത്തിലും പിന്നില്‍ 240 എംഎം ഡിസ്കും ബ്രേക്കിംഗ് കൈകാര്യം ചെയ്യുന്നു.
Related News
നെതര്ലന്ഡ്സിനെ ഏഴ് വിക്കറ്റുകള്ക്ക് തകര്ത്ത് അഫ്ഗാൻ
റെബല് 1100 എന്ന പുതിയ ബൈക്ക് വിപണിയിലെത്തിക്കാന് പദ്ധതിയിട്ട് ഹോണ്ട
ബ്രാൻഡഡ് ഹെല്മറ്റുകളുടെ വലിയ ശേഖരവുമായി ഹെൽമറ്റ് ഫാക്ടറി