ഹാര്‍ലി ഡേവിഡ്സണിന്റെ ഇലക്‌ട്രിക് ബൈക്ക് ലൈവ്വയര്‍ ഇന്ത്യന്‍ വിപണിയിലേക്ക്
16 August 2019 02:10 PM
ഹാര്‍ലി ഡേവിഡ്സണിന്റെ പുതിയ ഇലക്‌ട്രിക് ബൈക്കായ ലൈവ്വയര്‍ ഈ മാസം 27ന് ഇന്ത്യന്‍ വിപണിയിലേക്ക്. അമേരിക്കന്‍ മോട്ടോര്‍സൈക്കിള്‍ നിര്‍മാതാക്കളുടെ ആദ്യ ഇലക്‌ട്രിക് ബൈക്കാണ് ലൈവ്വയര്‍. ഈ വര്‍ഷമോ അടുത്ത വര്‍ഷം തുടക്കത്തിലോ ലൈവ്വയര്‍ വില്പന ആരംഭിക്കുമെന്നാണ് പ്രതീക്ഷിക്കുന്നത്.
പുതിയ പവര്‍ട്രെയ്നാക്കാണ് ഇലക്‌ട്രിക് ലൈവ്വയറിന് നല്‍കിയിരിക്കുന്നത്.പെര്മനൻറെ മാഗ്‌നറ്റ് ഇലക്‌ട്രിക് മോട്ടോറിന് 15.5 കിലോവാട്ട് അവര്‍ ബാറ്ററി. സിംഗിള്‍ ബാറ്ററി ചാര്‍ജില്‍ 235 കിലോമീറ്റര്‍ സഞ്ചരിക്കാന്‍ സാധിക്കും. 78 കിലോവാട്ട് അഥവാ 104.6 ബി.എച്ച്.പി.യാണ് ഈ മോട്ടോര്‍ പുറപ്പെടുവിക്കുന്നത്.