സ്വര്ണക്കടത്ത് ; സ്വപ്ന സുരേഷിനെ പിരിച്ചുവിട്ടു
തിരുവനന്തപുരം> നയതന്ത്ര പരിരക്ഷയുള്ള ബാഗേജ് വഴി സ്വര്ണം കടത്തിയ സംഭവത്തില് ഐടി വകുപ്പിലെ താല്ക്കാലിക ജീവനക്കാരി സ്വപ്ന സുരേഷിനെ പിരിച്ചുവിട്ടു. കേസിലെ മുഖ്യ ആസൂത്രകയാണെന്ന കണ്ടെത്തലിന്റെ അടിസ്ഥാനത്തിലാണ് നടപടി. യുഎഇ കോണ്സുലേറ്റിലെ മുന് ജീവനക്കാരിയായ സ്വപ്ന ഐടി വകുപ്പിനുകീഴിലെ ഐടി ഇന്ഫ്രാസ്ടെക്ചര് ലിമിറ്റിഡില് ഓപ്പറേഷണല് മാനേജര് ആയിരുന്നു.
കോണ്സുലേറ്റില് ജോലി ചെയ്തിരുന്ന സമയത്തെ ബന്ധങ്ങള് ഉപയോഗിച്ച് സ്വപ്നയുള്പ്പെടുന്ന സംഘം സ്വര്ണം കടത്തിയെന്നാണ് നിഗമനം. സംഭവത്തില് അറസ്റ്റിലായ യുഎഇ കോണ്സുലേറ്റ് മുന് പിആര്ഒ സരിത്തിന്റെ വിട്ടിലും സ്വപ്നയുടെ ഫ്ളാറ്റിലും കസ്റ്റംസ് തിങ്കളാഴ്ച റെയ്ഡ് നടത്തി. സ്വപ്ന ഒളിവിലാണ്.