10000 രൂപയില് താഴെ വിലയുള്ള ആദ്യ ക്വാഡ് ക്യാമറ സ്മാര്ട്ഫോണ് ഓഗസ്റ്റ് 20 ന്
ഓഗസ്റ്റ് 20 നാണ് റിയല്മിയുടെ ഏറ്റവും പുതിയ റിയല്മി 5, റിയല്മി 5 പ്രോ സ്മാര്ട്ഫോണുകള് ഇന്ത്യന് വിപണിയില് അവതരിപ്പിക്കുന്നത്. നാല് ക്യാമറകളുമായെത്തുന്ന സ്മാര്ട്ഫോണ് എന്ന നിലയില് കഴിഞ്ഞ കുറച്ചു നാളുകളായി ഈ ഫോണുകള് വാര്ത്തകളില് നിറയുന്നുണ്ട്.
കമ്പനി സിഇഓ മാധവ് ഷേത്ത് ഫോണിനെ സംബന്ധിച്ച ചില വിവരങ്ങള് പുറത്തുവിട്ടിരുന്നു. ഇന്ത്യയില് അവതരിപ്പിക്കുന്ന ആദ്യ 48 എംപി ക്വാഡ് ക്യാമറ സ്മാര്ട്ഫോണ് ആണ് റിയല്മി 5 പ്രോ. റിയല്മി 5ന് ഇന്ത്യയില് 10000 രൂപയില് താഴെയാവും വില. 10000 രൂപയില് താഴെ വിലയുള്ള ആദ്യ ക്വാഡ് ക്യാമറ സ്മാര്ട്ഫോണ് ആണ് റിയല്മി എന്നും മാധവ് ഷേത്ത് പറയുന്നു.
ശക്തിയേറിയ ഒരു ക്വാല്കോം പ്രൊസസര് ചിപ്പ് ഇന്ത്യന് വിപണിയിലേക്ക് ആദ്യമായി അവതരിപ്പിക്കപ്പെടുമെന്നും മാധവ് ഷേത്ത് പറഞ്ഞു. അത് സ്നാപ്ഡ്രഗണ് 665 പ്രൊസസറായിരിക്കുമെന്നാണ് കരുതുന്നത്. റിയല്മി 5 ന് പിന്നാലെയെത്തുന്ന എംഐ എ3 സ്മാര്ട്ഫോണില് സ്നാപ്ഡ്രാഗണ് 665 ചിപ്പ് ആണ്.