പ്രവാസികളെ എത്രയും വേഗം കേരളത്തിലെത്തിക്കണം; ബാക്കി സൗകര്യങ്ങള്‍ സര്‍ക്കാര്‍ ചെയ്‌തുകൊള്ളാം: മുഖ്യമന്ത്രി
തിരുവനന്തപുരം: പ്രവാസികളെ എത്രയും വേഗം കേരളത്തിലെത്തിക്കണമെന്ന് ആഗ്രഹമുണ്ടെന്ന് മുഖ്യമന്ത്രി പിണറായി വിജയന്‍. പ്രധാനമന്ത്രിക്ക് അയച്ച കത്തിലാണ് ഇക്കാര്യം വ്യക്തമാക്കിയിരിക്കുന്നത്. പ്രവാസികളെ തിരികെ കൊണ്ടു വന്നാല്‍ അവര്‍ക്ക് വേണ്ട ടെസ്റ്റിംഗും, ക്വാറന്‍റൈനും ഉള്‍പ്പടെ എല്ലാ പരിശോധനകളും കേന്ദ്ര നിര്‍ദേശപ്രകാരം നടത്താന്‍ സംസ്ഥാന സര്‍ക്കാര്‍ തയ്യാറാണ്. ഹ്രസ്വകാല പരിപാടികള്‍ക്കോ, സന്ദര്‍ശകവിസയിലോ പോയവരുണ്ട്. അവരെയെങ്കിലും അടിയന്തരമായി പ്രത്യേക വിമാനങ്ങള്‍ അയച്ച്‌ തിരികെ എത്തിക്കണമെന്നും മുഖ്യമന്ത്രി കത്തില്‍ ചൂണ്ടിക്കാട്ടുന്നു.
കേരളത്തെ ഇന്ന് ഏറ്റവും കൂടുതല്‍ അലട്ടുന്നത് പ്രവാസികളുടെ പ്രശ്നമാണ്. അവരെ എത്രയും വേഗം കേരളത്തിലെത്തിക്കണം എന്ന് തന്നെയാണ് നമുക്കും അവര്‍ക്കും അവരുടെ കുടുംബങ്ങള്‍ക്കും ആഗ്രഹം. വരുമാനമില്ലാത്തതിനാല്‍ അവര്‍ക്ക് ജീവിതം അസാധ്യമാകുകയാണ്. ഇവരെയും അടിയന്തര ആവശ്യങ്ങളുള്ളവരെയും മാത്രമെങ്കിലും അടിയന്തരമായി നാട്ടിലെത്തിക്കാന്‍ പ്രത്യേകവിമാനം അയക്കണം. അന്താരാഷ്ട്ര ആരോഗ്യ നിബന്ധനകളെല്ലാം പാലിച്ചാകണം ഇവരെ തിരികെ എത്തിക്കേണ്ടതെന്നും വാര്‍ത്താസമ്മേളനത്തില്‍ മുഖ്യമന്ത്രി വ്യക്തമാക്കി.
'പ്രവാസികളുടെ പ്രശ്നം വല്ലാതെ അലട്ടുന്നു. ഇക്കാര്യം ആവര്‍ത്തിച്ച്‌ മുപ്രധനമന്ത്രിയുടെ ശ്രദ്ധയില്‍ പെടുത്തിയിട്ടുണ്ട്. പ്രവാസി വിഷയത്തില്‍ ഇന്നും വിശദമായ കത്തയച്ചു. അവരെ കേരളത്തില്‍ എത്തിക്കണമെന്നു നമുക്കും അവരുടെ കുടുംബാംഗങ്ങള്‍ക്കും താത്പര്യമുണ്ട്. പ്രവാസികളില്‍ മിക്കവര്‍ക്കും വരുമാനം ഇല്ലാത്തതിനാല്‍ അവിടെ ജീവിതം അസാദ്ധ്യമാണ്. പ്രവാസികള്‍ മടങ്ങിയെത്തുമ്പോള്‍ ആവശ്യമായ എല്ലാ സൗകര്യങ്ങളും സര്‍ക്കാര്‍ ഒരുക്കും. ജോലി നഷ്ടപ്പെട്ട് തിരിച്ചെത്തുന്ന പ്രവാസികളുണ്ടെങ്കില്‍ സംരക്ഷിക്കാനുള്ള പദ്ധതികള്‍ കേന്ദ്രസര്‍ക്കാര്‍ തയാറാക്കണം എന്ന് അഭ്യര്‍ത്ഥിച്ചിട്ടുണ്ട്.' മുഖ്യമന്ത്രി വിശദീകരിച്ചു.
Related News
നിപ വ്യാപനം ഫലപ്രദമായി തടഞ്ഞു; ആശങ്കയൊഴിഞ്ഞെങ്കിലും ജാഗ്രത തുടരണം; മുഖ്യമന്ത്രി
മലമ്പുഴ രക്ഷാദൗത്യം - മുഖ്യമന്ത്രി പിണറായി വിജയന്റെ പ്രതികരണം
മുഖ്യമന്ത്രിയുടെ വാർത്താ സമ്മേളനം തൽസമയം
സിനിമാ താരം നോബിയുടെ മാതാവ് മരണപ്പെട്ടു
