സംസ്ഥാനത്ത് ഇന്ന് എട്ട് പുതിയ ഹോട്ട്സ്പോട്ടുകള്
തിരുവനന്തപുരം: സംസ്ഥാനത്ത് ഇന്ന് 8 പുതിയ ഹോട്സ്പോട്ടുകളാണുള്ളത്. മലപ്പുറം ജില്ലയിലെ ഇരുമ്ബിലിയം (കണ്ടെയ്ന്മെന്റ് സോണ് സബ് വാര്ഡ് 3), മറക്കര (സബ് വാര്ഡ് 1, 11), വാളാഞ്ചേരി മുന്സിപ്പാലിറ്റി (സബ് വാര്ഡ് 27), ഇടുക്കി ജില്ലയിലെ ഇരട്ടയാര് (സബ് വാര്ഡ് 7), തൃശൂര് ജില്ലയിലെ പനച്ചേരി (19), കൊല്ലം ജില്ലയിലെ ഇടമുളയ്ക്കല് (സബ് വാര്ഡ് 4), കാസര്ഗോഡ് ജില്ലയിലെ മീഞ്ച (7), പാലക്കാട് ജില്ലയിലെ തിരുവേഗപ്പുര (15, 17) എന്നിവയാണ് പുതിയ ഹോട്സ്പോട്ടുകള്. 9 പ്രദേശങ്ങളെ ഹോട്സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ ആകെ 599 ഹോട്സ്പോട്ടുകളാണുള്ളത്.
സംസ്ഥാനത്ത് ചൊവ്വാഴ്ച 5792 പേര്ക്ക് കോവിഡ്-19 സ്ഥിരീകരിച്ചു. 27 മരണമാണ് കോവിഡ്-19 മൂലമാണെന്ന് സ്ഥിരീകരിച്ചത്. ചൊവ്വാഴ്ച രോഗം സ്ഥിരീകരിച്ചവരില് 104 പേര് സംസ്ഥാനത്തിന് പുറത്തുനിന്നും വന്നവരാണ്. 4985 പേര്ക്ക് സമ്ബര്ക്കത്തിലൂടെയാണ് രോഗം ബാധിച്ചത്. 639 പേരുടെ സമ്ബര്ക്ക ഉറവിടം വ്യക്തമല്ല.