യു.എ.ഇയില് വിദ്യാഭ്യാസ സ്ഥാപനങ്ങള് ഉടന് തുറക്കും
കോവിഡ് വൈറസ് ന്റെ പശ്ചാത്തലത്തില് ലോക്ക്ഡൗണിന് ശേഷം യു.എ.ഇയിലെ വിദ്യാലയങ്ങളില് ഈമാസം 30 മുതല് അധ്യയനം വീണ്ടും ആരംഭിക്കും. കോവിഡ് സുരക്ഷ കണക്കിലെടുത്ത് ഭാഗികമായാണ് വിദ്യാര്ഥികള് സ്കൂളിലെത്തുക. ഇ ലേണിങ്ങോ സ്കൂള് പഠനമോ തെരഞ്ഞെടുക്കാന് രക്ഷിതാക്കള്ക്ക് അവസരം നല്കിയിട്ടുണ്ട്.
ലോക്ക്ഡൗണിന് തൊട്ടുമുമ്പേ ഇ ലേണിങ്ങിലേക്ക് മാറിയ യു.എ.ഇയിലെ സ്കൂളുകള് മധ്യവേനല് അവധി കൂടി പിന്നിട്ടാണ് ഈമാസം 30ന് തുറക്കുന്നത്. പല സ്കൂളുകളിലും കോവിഡ് പരിശോധന പൂര്ത്തിയാക്കിയ അധ്യാപകര് റിപ്പോര്ട്ട് ചെയ്ത് തുടങ്ങിയിട്ടുണ്ട്. സ്കൂള് പഠനം തെരഞ്ഞെടുത്ത ചുരുക്കം വിദ്യാര്ഥികള് മാത്രമാകും ആഗസ്റ്റ് 30 മുതല് സ്കൂളിലെത്തി തുടങ്ങുക.