വിക്കറ്റിനു പിന്നില് ധോനിക്ക് മറ്റൊരു റെക്കോഡ് കൂടി
സതാംപ്ടൺ: ലോകകപ്പിലെ ആദ്യ മത്സരത്തിൽ ദക്ഷിണാഫ്രിക്കയെ തോൽപ്പിച്ചതിനു പിന്നാലെ വിക്കറ്റിനു പിന്നിൽ എം.എസ് ധോനിക്ക് മറ്റൊരു റെക്കോഡ് കൂടി.
ലിസ്റ്റ് എ ക്രിക്കറ്റിൽ സ്റ്റംമ്പിങ്ങിലൂടെ ഏറ്റവും കൂടുതൽ പേരെ പുറത്താക്കിയ താരമെന്ന മുൻ പാക് താരം മോയിൻ ഖാന്റെ റെക്കോഡിനൊപ്പമാണ് ധോനിയിപ്പോൾ. ദക്ഷിണാഫ്രിക്കയ്ക്കെതിരായ മത്സരത്തിന്റെ 40-ാം ഓവറിൽ ഫെഹ് ലുക്വായോയെ പുറത്താക്കിയതോടെ ലിസ്റ്റ് എ ക്രിക്കറ്റിൽ ധോനിയുടെ സ്റ്റംമ്പിങ്ങുകളുടെ എണ്ണം 139 ആയി.
നേരത്തെ ദക്ഷിണാഫ്രിക്ക ഉയർത്തിയ 228 റൺസ് വിജയലക്ഷ്യം രോഹിത് ശർമയുടെ സെഞ്ചുറി മികവിൽ ഇന്ത്യ മറികടന്നിരുന്നു. മത്സരത്തിൽ ധോനി 46 പന്തുകളിൽ നിന്ന് 34 റൺസെടുത്തു. രോഹിത്തിനൊപ്പം നാലാം വിക്കറ്റിൽ 74 റൺസിന്റെ കൂട്ടുകെട്ടുണ്ടാക്കാനും ധോനിക്കായി.