കോവിഡിന്റെ രണ്ടാം തരംഗം; രാജ്യത്ത് പരിശോധന വര്ധിപ്പിക്കണമെന്ന് പ്രധാനമന്ത്രി
കോവിഡ് വ്യാപനത്തിന്റെ രണ്ടാം തരംഗം ശക്തിപ്രാപിക്കുന്ന പശ്ചാത്തലത്തില് മുഖ്യമന്ത്രിമാരുമായി നടത്തിയ വീഡിയോ കോണ്ഫറന്സിലാണ് വാക്സിനേഷന് പ്രോത്സാഹിപ്പിക്കാനുള്ള നടപടികള് കൂടുതല് കാര്യക്ഷമമാക്കണമെന്ന് പ്രധാനമന്ത്രി ആഹ്വാനം ചെയ്തത്.
വീണ്ടും ലോക്ഡൗണ് നടപ്പാക്കുക എന്നത് പ്രായോഗികമല്ലെന്നും അദ്ദേഹം അഭിപ്രായപ്പെട്ടു. സംസ്ഥാനങ്ങള് കോവിഡ് പരിശോധന വര്ധിപ്പിക്കണം. ആദ്യ തരംഗം കുറഞ്ഞപ്പോള് സംസ്ഥാനങ്ങള് ചെറിയ ആലസ്യ സ്വഭാവത്തിലായി. അത് രോഗം വീണ്ടും വര്ധിക്കുന്നതിലേക്ക് നയിച്ചുവെന്നും അദ്ദേഹം ചൂണ്ടിക്കാട്ടി.