കൊവിഡ് വാക്സിന്: രാജ്യത്ത് രണ്ടാമത്തെ ഡ്രൈറണ് വെള്ളിയാഴ്ച
ഡല്ഹി: കൊവിഡ് വാക്സിന് വിതരണത്തിന് മുന്നോടിയായുള്ള രണ്ടാംഘട്ട ഡ്രൈറണ് വെള്ളിയാഴ്ച നടക്കും. എല്ലാ ജില്ലകളിലും ഡ്രൈ റണ് നടത്തുമെന്ന് കേന്ദ്ര ആരോഗ്യ.മന്ത്രാലയം അറിയിച്ചു. നാളെ കേന്ദ്ര ആരോഗ്യമന്ത്രിയുടെ നേതൃത്വത്തില് ഉന്നതതല യോഗം വിളിച്ചിട്ടുണ്ട്.
ജനുവരി രണ്ടിനാണ് കേരളം അടക്കം രാജ്യത്തെ മുഴുവന് സംസ്ഥാനങ്ങളിലും കേന്ദ്ര ഭരണ പ്രദേശങ്ങളില് ആദ്യത്തെ ട്രയല് റണ് നടന്നത്. നേരത്തെ, പഞ്ചാബ്, അസം, ആന്ധ്രപ്രദേശ്, ഗുജറാത്ത് എന്നിവിടങ്ങളിലെ എട്ടു ജില്ലകളില് നടത്തിയ റിഹേഴ്സല് വിജയകരമായിരുന്നു.
കേരളത്തില് തിരുവനന്തപുരം പേരൂര്ക്കട ജില്ലാ മാതൃക ആശുപത്രി, പൂഴനാട് പ്രാഥമികാരോഗ്യ കേന്ദ്രം, കിംസ് ആശുപത്രി, ഇടുക്കി വാഴത്തോപ്പ് പ്രാഥമികാരോഗ്യ കേന്ദ്രം, പാലക്കാട് നെന്മാറ സാമൂഹികാരോഗ്യ കേന്ദ്രം, വയനാട് കുറുക്കാമൂല പ്രാഥമികാരോഗ്യ കേന്ദ്രം എന്നിവിടങ്ങളിലാണ് ഡ്രൈ റണ് നടന്നത്.