ആറ്റിങ്ങലില് കൊവിഡ് വ്യാപനം രൂക്ഷം; മരണം 27
ആറ്റിങ്ങല്: ആറ്റിങ്ങല് നഗരസഭ പ്രദേശത്ത് കൊവിഡ് വ്യാപനം രൂക്ഷമായി തുടരുകയാണ്. 27 പേരാണ് രോഗം ബാധിച്ച് ആറ്റിങ്ങല് നഗരസഭ പരിധിയില് മരിച്ചത്. ഇന്നലെ കൊട്ടിയോട് ഷൈമ നിവാസില് രാമചന്ദ്രന് (49) രോഗം ബാധിച്ച് മരിച്ചതോടെയാണ് എണ്ണം 27 ആയത്. ദിവസവും മരണം സംഭവിക്കുന്ന തരത്തിലാണ് കാര്യങ്ങളുടെ പോക്ക്. രാമചന്ദ്രന് രോഗലക്ഷണമുണ്ടായതിനെ തുടര്ന്ന് കഴിഞ്ഞ മാസം 24 ന് വലിയകുന്ന് ആശുപത്രിയില് പരിശോധന നടത്തിയപ്പോഴാണ് കൊവിഡ് സ്ഥിരീകരിച്ചത്. കഠിനമായ അസ്വാസ്ഥ്യമുണ്ടായതിനാല് 25 ന് രാവിലെ മെഡിക്കല് കോളേജിലേക്ക് മാറ്റി. ഇവിടെ വച്ചായിരുന്നു അന്ത്യം. വാര്ഡ് കൗണ്സിലര് ആര്. രാജു നഗരസഭ ചെയര്പേഴ്സണ് അഡ്വ. എസ്. കുമാരി എന്നിവരുടെ നിര്ദ്ദേശപ്രകാരം ഡി.വൈ.എഫ്.ഐ വോളന്റിയര്മാര് ആശുപത്രിയിലെത്തി മൃതദേഹം ഏറ്റുവാങ്ങി നഗരസഭ ശാന്തി തീരം പൊതു ശ്മശാനത്തില് സംസ്കരിച്ചു. ആറ്റിങ്ങല് ഗേള്സ് എച്ച്.എസ്. എസിനു സമീപം സാന്ദ്ര ബേക്കറി നടത്തി വരികയായിരുന്നു ഇദ്ദേഹം.
രോഗവും മരണസംഖ്യയും ഉയരുന്ന സാഹചര്യത്തില് ജനം അതീവ ജാഗ്രത പാലിക്കണമെന്ന് ചെയര്പേഴ്സണ് അഡ്വ. എസ്. കുമാരി പറഞ്ഞു. ആറ്റിങ്ങല് പട്ടണം ലോക്ക് ഡൗണിന്റെ രണ്ടാം ദിവസമായ ഞായറാഴ്ച നിശ്ചലമായി. കടകമ്ബോളങ്ങള് മിക്കതും അടഞ്ഞു കിടന്നു. അത്യാവശ്യ വാഹനങ്ങള് മാത്രമാണ് ഓടിയത്. അവയ്ക്കും കര്ശനമായ പൊലീസ് ചെക്കിംഗുണ്ടായത്.
ഗ്രാമീണ മേഖലയില് പലവ്യഞ്ജന കടകളും പച്ചക്കറിക്കടകളും ചില മുറുക്കാന് കടകളും മാത്രമാണ് തുറന്നത്. ആളുകള് എത്താത്തതിനാല് അവയും ഉച്ചയോടെ അടച്ചു. ലോക്ക് ഡൗണ് പ്രഖ്യാപിച്ച അന്നുതന്നെ ആളുകള് ആവശ്യ സാധനങ്ങള് വാങ്ങിയിരുന്നു. അതിനാലാണ് കടകളില് തിരക്ക് കുറഞ്ഞത്. ഹോട്ടലുകള് തുറന്നില്ല. അതുകൊണ്ടുതന്നെ ഭക്ഷണ സാമഗ്രികളുടെ വീടുതോറുമുള്ള സപ്ലേയും മുടങ്ങി. വരും ദിവസങ്ങളില് പരിശോധന കര്ശന മാക്കുമെന്ന് പൊലീസ് പറഞ്ഞു.
നഗരത്തിന്റെ വിവിധ ഭാഗങ്ങളിലായി 392 പേർ കൊവിഡ് രോഗികൾ. ഇന്ന് 4 പേർ രോഗമുക്തി നേടി. നിലവിൽ 1 കണ്ടെയ്മെന്റ് സോണാണുള്ളത്.
വാർഡ് 1 ൽ 7 പേർ
വാർഡ് 2 ൽ 8 പേർ
വാർഡ് 3 ൽ 19 പേർ
വാർഡ് 4 ൽ 4 പേർ
വാർഡ് 5 ൽ 19 പേർ
വാർഡ് 6 ൽ 12 പേർ
വാർഡ് 7 ൽ 9 പേർ
വാർഡ് 8 ൽ 2 പേർ
വാർഡ് 9 ൽ 16 പേർ
വാർഡ് 10 ൽ 17 പേർ
വാർഡ് 11 ൽ 23 പേർ
വാർഡ് 12 ൽ 9 പേർ
വാർഡ് 13 ൽ 12 പേർ
വാർഡ് 14 ൽ 13 പേർ
വാർഡ് 15 ൽ 13 പേർ
വാർഡ് 16 ൽ 13 പേർ
വാർഡ് 17 ൽ 17 പേർ
വാർഡ് 18 ൽ 17 പേർ
വാർഡ് 19 ൽ 16 പേർ
വാർഡ് 20 ൽ 11 പേർ
വാർഡ് 21 ൽ 8 പേർ
വാർഡ് 22 ൽ 8 പേർ
വാർഡ് 23 ൽ 9 പേർ
വാർഡ് 24 ൽ 14 പേർ
വാർഡ് 25 ൽ 17 പേർ
വാർഡ് 26 ൽ 7 പേർ
വാർഡ് 27 ൽ 27 പേർ
വാർഡ് 28 ൽ 5 പേർ
വാർഡ് 29 ൽ 18 പേർ
വാർഡ് 30 ൽ 11 പേർ
വാർഡ് 31 ൽ 11 പേർ
ഇതിൽ സി.എഫ്.എൽ.റ്റി.സി യിൽ 17 പേരും, ആശുപത്രിയിൽ 10 പേരും, 365 പേർ ഹോം ഐസൊലേഷനിലും കഴിയുന്നു. നഗരസഭയുടെ കൊവിഡ് പ്രാഥമിക ചികിൽസാ കേന്ദ്രത്തിൽ 98 പേർ കഴിയുന്നതായും ചെയർപേഴ്സൺ അഡ്വ.എസ്. കുമാരി അറിയിച്ചു.