കോവിഡ്; വിഎസ്എസ്സി ജീവനക്കാരന്റെ റൂട്ട് മാപ് പ്രസിദ്ധീകരിച്ചു; തലസ്ഥാനത്ത് അതീവ ജാഗ്രത
തിരുവനന്തപുരം: വിക്രംസാരാഭായി സ്പേസ് സെന്ററിലെ കോവിഡ് ബാധിച്ച ജീവനക്കാരനന്റെ റൂട്ട് മാപ് പ്രസിദ്ധീകരിച്ചു. വൈദ്യുതി ബില് അടയ്ക്കുന്നതിന് പോകുകയും വീട് പാലുകാച്ചൽ ചടങ്ങിൽ പങ്കെടുക്കുകയും ചെയ്തിട്ടുണ്ട്.
സമ്പര്ക്കത്തിലൂടെയടക്കം നിരവധിപ്പേര്ക്ക് കൊറോണ രോഗബാധയുണ്ടായ തിരുവനന്തപുരത്ത് സ്ഥിതി സങ്കീര്ണമെന്ന് മന്ത്രി കടകംപള്ളി സുരേന്ദ്രന് രംഗത്ത്. നഗരം ഇപ്പോള് അടച്ചിടേണ്ട സാഹചര്യമില്ലെങ്കിലും തലസ്ഥാന നഗരവാസികള് സര്ക്കാര് നിര്ദ്ദേശം പാലിക്കണം. സമ്പര്ക്കത്തിലൂടെയുള്ള മൂന്ന് കേസുകള് കൂടി റിപ്പോര്ട്ട് ചെയ്തതോടെ മണക്കാട് സ്ഥിതി അതീവ ഗുരുതരമാണ്. ഈ പ്രദേശത്തെ കണ്ടെയിന്മെന്റ് സോണുകള് സര്ക്കാര് വിപുലമാക്കും.
അതേ സമയം നഗരത്തിലെ കൂടുതല് ചന്തകളില് നിയന്ത്രണമേര്പ്പെടുത്തുമെന്ന് തിരുവനന്തപുരം മേയര് അറിയിച്ചു. പാളയം, ചാല ചന്തകള്ക്കൊപ്പം പേരൂര്ക്കട കുമരിചന്ത എന്നിവിടങ്ങളിലും ജനങ്ങള്ക്ക് നിയന്ത്രണത്തോടെ മാത്രമാകും പ്രവേശനമെന്നും മേയര് കെ ശ്രീകുമാര് വ്യക്തമാക്കി.