കോവിഡ്: കേരളമടക്കം അഞ്ചു സംസ്ഥാനങ്ങളിലേക്ക് കേന്ദ്രസംഘം
കോവിഡ് വ്യാപനത്തിന്റെ പശ്ചാത്തലത്തില് കേരളമടക്കമുള്ള അഞ്ചു സംസ്ഥാനങ്ങളിലേക്ക് ഉന്നതതല സംഘത്തെ അയക്കാനൊരുങ്ങി കേന്ദ്രം. ഡല്ഹി, മഹാരാഷ്ട്ര, രാജസ്ഥാന്, പശ്ചിമബംഗാള് സംസ്ഥാനങ്ങളാണ് കേരളത്തോടൊപ്പം കോവിഡ് വ്യാപനം കൂടുതലുള്ള അഞ്ച് സംസ്ഥാനങ്ങള്.
കോവിഡ് കേസുകള് കൂടുതല് റിപ്പോര്ട്ട് ചെയ്യപ്പെട്ട ജില്ലകളില് സംഘം സന്ദര്ശനം നടത്തും. നിരീക്ഷണം, പരിശോധന, വൈറസ് വ്യാപനം തടയുന്നതിനും നിയന്ത്രിക്കുന്നതിനുമുള്ള നടപടികള്, രോഗം സ്ഥിരീകരിച്ചവര്ക്കുള്ള ചികിത്സ തുടങ്ങി സംസ്ഥാന സര്ക്കാറുകളുടെ കോവിഡ് പ്രതിരോധനടപടികള്ക്ക് പിന്തുണ നല്കുമെന്ന് ഉന്നതതല സംഘത്തെ നിയോഗിച്ച് കേന്ദ്രം വ്യക്തമാക്കി.