കൊറോണ വൈറസ്: മരണം 170 ; ഗൂഗിള് ഓഫീസുകള് അടച്ചു
ബെയ്ജിങ്: ചൈനയിൽ കൊറോണ വൈറസ് ബാധിച്ച് മരിച്ചവരുടെ എണ്ണം 170 ആയി. വിവിധ രാജ്യങ്ങളിലായി 7711 പേര്ക്ക് രോഗം സ്ഥിരീകരിച്ചു. എന്നാല്, മരണസംഖ്യയും രോഗം ബാധിച്ചവരുടെ എണ്ണവും ഔദ്യോഗിക കണക്കുകളെക്കാള് ഏറെയാണെന്ന് ആശങ്കകളുണ്ട്. 124 പേര് രോഗമുക്തി നേടി ആശുപത്രി വിട്ടതായും ചൈനീസ് ആരോഗ്യമന്ത്രാലയം അറിയിച്ചു. 17 രാജ്യങ്ങളില് രോഗബാധ സ്ഥിരീകരിച്ചതായാണ് റിപ്പോര്ട്ട്.
ചൈനയിലെയും ഹോങ്കോങ് തായ്വാൻ എന്നിവിടങ്ങളിലെ ഉൾപ്പെടെ എല്ലാ ഓഫീസുകളും ഗൂഗിൾ അടിയന്തരമായി അടച്ചുപൂട്ടി. മക് ഡൊണാള്ഡിന്റേതടക്കമുള്ള നിരവധി റെസ്റ്റോറന്റുകളും ഇതിനോടകം അടച്ചുപൂട്ടിയിട്ടുണ്ട്.