കൊറോണ : മരണം 492, കൊറോണ ബാധിതര് 24,000
ഹുബേയ്: കൊറോണ ബാധിച്ച് ചൈനയില് മരിച്ചവരുടെ സംഖ്യ 492 ആയി ഉയര്ന്നു. പുതിയതായി 65 പേര്കൂടി ഹുബേയ് പ്രവിശ്യയില് മരിച്ചതോടെയാണ് മരണസംഖ്യ ഇത്രയും ഉയര്ന്നത്. കൊറോണ വൈറസ് ബാധിച്ചതായി സ്ഥിരീകരിച്ചവരുടെ എണ്ണം 24,000 കടന്നതായാണ് റിപ്പോർട്ടുകൾ.
എന്നാൽ സംസ്ഥാനത്ത് പുതിയ പോസിറ്റീവ് നോവല് കൊറോണ കേസുകളൊന്നും റിപ്പോര്ട്ട് ചെയ്തിട്ടില്ലെന്ന് ആരോഗ്യമന്ത്രി കെ.കെ. ശൈലജ. ഫെയ്സ്ബുക്ക് കുറിപ്പിലൂടെയാണ് മന്ത്രി ഇക്കാര്യം വ്യക്തമാക്കിയത്. നിലവില് വിവിധ ജില്ലകളിലായി 2421 പേര് നിരീക്ഷണത്തിലാണ്. ഇവരില് 2321 പേര് വീടുകളിലും, 100 പേര് ആശുപത്രികളിലുമാണ് നിരീക്ഷണത്തിലുള്ളത്.