നിയന്ത്രണരേഖ ലംഘിച്ച് ഇന്ത്യയില് പ്രവേശിച്ച ചൈനീസ് സൈനികനെ കൈമാറി
ന്യൂഡല്ഹി: നിയന്ത്രണരേഖ ലംഘിച്ച് ഇന്ത്യന് പ്രദേശത്ത് എത്തിയ ചൈനീസ് പട്ടാളക്കാരനെ ഇന്ത്യന് സേന തിരികെ കൈമാറി. കോര്പ്പറല് വാംഗ് യാ ലോംഗ് എന്ന പട്ടാളക്കാരനയൊണ് ഡെംചോക് സെക്ടറില് വച്ച് ഇന്ത്യന് സൈന്യം പിടികൂടിയത്. ചൊവ്വാഴ്ച രാത്രിയാണ് അദ്ദേഹത്തെ സൈന്യം തിരികെ കൈമാറിയത്.
നടപടിക്രമങ്ങള് പാലിച്ച് പ്രോട്ടോക്കോള് പ്രകാരം സൈനികനെ ചൈനീസ് സേനയ്ക്ക് തിരികെ കൈമാറുമെന്ന് ഇന്ത്യന് സേന അറിയിച്ചിരുന്നു. ഉയര്ന്ന പ്രദേശമായതിനാല് ഓക്സിജന് ലഭിക്കാതെ ബുദ്ധിമുട്ടിയ ചൈനീസ് സൈനികന് ഓക്സിജനും തണുപ്പകറ്റാന് വസ്ത്രവും ക്ഷീണമകറ്റാന് ഭക്ഷണവും സൈന്യം നല്കിയിരുന്നു. ഇദ്ദേഹത്തെ കാണാതായതിനെ തുടര്ന്ന് കണ്ടെത്തിയാല് വിവരങ്ങള് നല്കണമെന്ന് ചൈനീസ് സൈന്യം ഇന്ത്യന് സേനയോട് അഭ്യര്ഥിച്ചിരുന്നു.