സ്വര്ണക്കടത്തില് ബന്ധമുള്ള ഉന്നതനാരെന്ന് മുഖ്യമന്ത്രി വ്യക്തമാക്കണം: രമേശ് ചെന്നിത്തല
തിരുവനന്തപുരം: സ്വര്ണക്കടത്തില് ബന്ധമുള്ള ഉന്നതനാരെന്ന് മുഖ്യമന്ത്രി വ്യക്തമാക്കണമെന്ന് പ്രതിപക്ഷ നേതാവ് രമേശ് ചെന്നിത്തല. ഭരണഘടനാ പദവിയില് ഇരിക്കുന്ന ഉന്നതനു പോലും റിവേഴ്സ് ഹവാലയില് പങ്കുണ്ടെന്നും ചെന്നിത്തല ആരോപിച്ചു.
ഭരണഘടനാ പദവിയില് ഇരിക്കുന്ന ഉന്നതനു പോലും റിവേഴ്സ് ഹവാലയില് പങ്കുണ്ട്. കോടതിക്ക് ഞെട്ടലുണ്ടാക്കിയ എന്തു മൊഴിയാണു മുദ്രവച്ച കവറില് കോടതിക്കു കൊടുത്തത്. കോടതി ഞെട്ടിയെങ്കില് കേരളം ബോധംകെടുമെന്നും ചെന്നിത്തല പറഞ്ഞു.
ജനങ്ങളെ അഭിമുഖീകരിക്കാന് സാധിക്കാത്ത അവസ്ഥയിലാണു സിപിഎം. പരാജയം ഉറപ്പായതുകൊണ്ടാണ് മുഖ്യമന്ത്രി പ്രചാരണരംഗത്ത് ഇറങ്ങാത്തത്. സിപിഎം സംസ്ഥാന സെക്രട്ടറി എ. വിജയാഘവന് ആര്എസ്എസിന്റെ ഭാഷയാണ്. നാട്ടില് വര്ഗീയത ഇളക്കിവിടാനുള്ള ബോധപൂര്വമായ ശ്രമമാണ് നടത്തുന്നത്. ഇതൊക്കെ ജനങ്ങള് തിരിച്ചറിയുമെന്നും പ്രതിപക്ഷ നേതാവ് പറഞ്ഞു.