പ്രധാനമന്ത്രിയുടെ വീഡിയോ കോണ്‍ഫറന്‍സില്‍ മുഖ്യമന്ത്രി പിണറായി വിജയന് സംസാരിക്കാന്‍ അവസരമില്ല
സംസ്ഥാന മുഖ്യമന്ത്രിമാരുമായി പ്രധാനമന്ത്രി നരേന്ദ്രമോദി ഇന്ന് വൈകിട്ട് മൂന്നിന് നടത്തുന്ന വീഡിയോ കോണ്‍ഫറന്‍സില്‍ കേരള മുഖ്യമന്ത്രിക്ക് സംസാരിക്കാന്‍ അവസരമില്ല. പതിമൂന്ന് സംസ്ഥാനങ്ങള്‍ക്ക് മാത്രമേ സംസാരിക്കാന്‍ അനുവാദമുള്ളൂ. എന്നാല്‍ മുഖ്യമന്ത്രി പിണറായി വിജയന് യോഗത്തില്‍ പങ്കെടുക്കുമെന്നാണ് റിപ്പോര്‍ട്ട്.
മുഖ്യമന്ത്രിക്ക് നേരത്തേ സമയം നീക്കിവച്ചതായിരുന്നു. പിന്നീടാണ് കേരളമടക്കമുള്ള സംസ്ഥാനങ്ങള്‍ക്ക് അവസരമില്ലെന്ന വിവരം പ്രധാനമന്ത്രിയുടെ ഓഫിസ് അറിയിച്ചത്. കഴിഞ്ഞ തവണത്തെ വീഡിയോ കോണ്‍ഫറന്‍സില്‍ കേരളത്തിന് സമയം അനുവദിച്ചിരുന്നു. ചാര്‍ട്ടേഡ് വിമാനങ്ങളിലെത്തുന്നവര്‍ക്ക് കൊവിഡ് ഇല്ലെന്ന സര്‍ട്ടിഫിക്കറ്റോ, കൊവിഡ് ബാധിതര്‍ക്ക് പ്രത്യേക വിമാനമോ വേണമെന്ന നിലപാട് കേന്ദ്രത്തെ അറിയിക്കാനിരുന്നതാണ് കേരളം. നേരത്തെ ഇക്കാര്യം ആവശ്യപ്പെട്ട് മുഖ്യമന്ത്രി പ്രധാനമന്ത്രിക്ക് കത്തയച്ചിരുന്നു.
Related News
നിപ വ്യാപനം ഫലപ്രദമായി തടഞ്ഞു; ആശങ്കയൊഴിഞ്ഞെങ്കിലും ജാഗ്രത തുടരണം; മുഖ്യമന്ത്രി
മലമ്പുഴ രക്ഷാദൗത്യം - മുഖ്യമന്ത്രി പിണറായി വിജയന്റെ പ്രതികരണം
മുഖ്യമന്ത്രിയുടെ വാർത്താ സമ്മേളനം തൽസമയം
സിനിമാ താരം നോബിയുടെ മാതാവ് മരണപ്പെട്ടു
