ബോളിവുഡ് നടന്‍ അജയ് ദേവ്ഗണിന്റെ സഹോദരന്‍ അനില്‍ ദേവ്ഗണ്‍ അന്തരിച്ചു
ബോളിവുഡ് നടന്‍ അജയ് ദേവ്ഗണിന്റെ സഹോദരന്‍ അനില്‍ ദേവ്ഗണ്‍ അന്തരിച്ചു. അജയ് ദേവ്ഗണിന്റെ ഇളയ സഹോദരനും സംവിധായകനുമായ അനിലിന്റെ മരണവിവരം പുറത്ത് വിട്ടത് ജ്യേഷ്ഠ സഹോദരന്‍ തന്നെയാണ്. നാല്‍പ്പത്തിയഞ്ച് വയസ്സായിരുന്നു.
അനില്‍ ദേവ്ഗണിന്റെ മരണകാരണം വ്യക്തമല്ല. അജയ് ദേവ്ദണും അനിലും സംഘട്ടന സംവിധായകനായ വീരു ദേവ്ഗണിന്റെ മക്കളാണ്. കോവിഡ് പശ്ചാത്തലത്തില്‍ പ്രാര്‍ത്ഥനാ യോഗം ഉണ്ടായിരിക്കുന്നതല്ലെന്നും നടന്‍ വ്യക്തമാക്കിയിട്ടുണ്ട്.
'എനിക്കെന്റെ സഹോദരനെ കഴിഞ്ഞ ദിവസം രാത്രി നഷ്ടമായി. ഞങ്ങള്‍ കുടുംബാംഗങ്ങള്‍ക്ക് അവന്റെ അപ്രതീക്ഷിതമായ വിയോഗം ഹൃദയ ഭേദകമാണ്. ഞങ്ങള്‍ക്ക് ഇനി അവന്റെ അസാന്നിധ്യം വല്ലാതെ അനുഭവപ്പെടുമെന്നും അജയ് ദേവ്ഗണ്‍ കുറിച്ചു. ആത്മാവിന് വേണ്ടി പ്രാര്‍ഥിക്കുന്നുവെന്നും അജയ് കുറിച്ചു.
രാജു ചാച്ച, ഹാല്‍ എ ദില്‍, ബ്ലാക്ക് മെയില്‍ തുടങ്ങിയ ചിത്രങ്ങള്‍ അനില്‍ സംവിധാനം ചെയ്തിരുന്നു.
Related News
എഴുത്തുകാരനും നടനുമായ മാടമ്ബ് കുഞ്ഞുക്കുട്ടന് അന്തരിച്ചു
ആര് ബാലകൃഷ്ണപിള്ള അന്തരിച്ചു
പ്രശസ്ത നടന്‍ വിവേക് അന്തരിച്ചു
പ്രശസ്ത സംഗീത സംവിധായകന് ഐസക്ക് തോമസ് കോട്ടുകപ്പള്ളി അന്തരിച്ചു