കേരളത്തില് നിന്നുള്ളവര്ക്ക് കോവിഡ് സര്ട്ടിഫിറ്റ് നിര്ബന്ധമാക്കി ബംഗാളും തമിഴ്നാടും
കോവിഡ് രൂക്ഷമായ സാഹചര്യത്തില് കേരളത്തില് നിന്നുള്ളവര്ക്ക് നിയന്ത്രണമേര്പ്പെടുത്തി കൂടുതല് സംസ്ഥാനങ്ങള്. തമിഴ്നാടും ബംഗാളും കേരളത്തില് നിന്നും വരുന്നവര്ക്ക് 72 മണിക്കൂറിനുള്ളിലെടുത്ത ആര്.ടി.പി.സി.ആര് പരിശോധന നിര്ബന്ധമാക്കി. തമിഴ്നാട്ടിലെത്തുന്നവര്ക്ക് ഏഴ് ദിവസത്തെ ക്വാറന്റൈനും നിര്ബന്ധമാണ്. നേരത്തെ ഡല്ഹിയും കര്ണാടകയും നിയന്ത്രണമേര്പ്പെടുത്തിയിരുന്നു.
ഡല്ഹി, കര്ണാടക എന്നീ സംസ്ഥാനങ്ങളെക്കൂടാതെ ഉത്തരാഖണ്ഡ്, മണിപ്പുര്, മഹാരാഷ്ട്ര എന്നീ സംസ്ഥാനങ്ങളാണ് കേരളത്തില്നിന്നുള്ളവര്ക്ക് നിയന്ത്രണം ഏര്പ്പെടുത്തിയത്. കോവിഡ് പരിശോധനാഫലം നെഗറ്റീവുള്ളവര്ക്ക് മാത്രമേ ഈ സംസ്ഥാനങ്ങളില് പ്രവേശിക്കാനാവുകയുള്ളു.