ഏഷ്യ പസിഫിക് ഉച്ചകോടിയിൽ നിന്നും ബിജെപി നേതാവിനെ പുറത്താക്കി | VIDEO
കംബോഡിയ: കശ്മീർ വിഷയത്തിൽ പാകിസ്ഥാൻ ദേശീയ അസംബ്ലി ഡെപ്യൂട്ടി സ്പീക്കർ കാസിം സൂരിയുടെ പ്രസംഗം തടസ്സപ്പെടുത്താൻ ശ്രമിച്ച ഭാരതീയ ജനതാ പാർട്ടി നേതാവ് വിജയ് ജോളിയെ കമ്പോഡിയയിൽ നടക്കുന്ന ഏഷ്യാ പസഫിക് ഉച്ചകോടിയിൽ നിന്ന് പുറത്താക്കി. ഇതിന്റെ ദൃശ്യങ്ങൾ സോഷ്യൽ മീഡിയയിൽ വൈറലാവുകയാണ്. സോഷ്യൽ മീഡിയയിൽ പ്രചരിച്ച വീഡിയോയിൽ, പ്രസംഗം തടസ്സപ്പെടുത്താൻ ശ്രമിക്കുമ്പോൾ സുരക്ഷാ ഉദ്യോഗസ്ഥർ ജോളിയെ കായികമായി പിടിച്ചു പുറത്തേക്കു കൊണ്ടുപോകുന്നതാണ് കാണാൻ സാധിക്കുന്നത്.
കശ്മീർ പ്രശ്നത്തെക്കുറിച്ച് സംസാരിച്ചപ്പോൾ ഇന്ത്യൻ സർക്കാർ കശ്മീർ താഴ്വരയിൽ മനുഷ്യാവകാശ ലംഘനം നടതുന്നതായി സൂരി ആരോപിച്ചു. ഇതിൽ പ്രകോപിതനായ ജോളി എഴുന്നേറ്റു നിന്ന് സൂരിയുടെ പ്രസംഗത്തെ എതിർത്തു, "കശ്മീർ ഈ ഉച്ചകോടിയുടെ പ്രശ്‌നമല്ല ... ഇത് ശരിയല്ല." എന്ന് വിളിച്ചുകൊണ്ടാണ് വേദിയുടെ മുന്നിലേക്ക് എത്തുന്നത്. ഇതിനെ തുടർന്നാണ് സുരക്ഷാ ഉദ്യോഗസ്ഥർ ജോളിയെ ഹാളിനെ പുറത്തേക്ക് പിടിച്ചുകൊണ്ട് പോകുന്നത്.
കശ്മീർ അതിന്റെ ആഭ്യന്തര കാര്യമാണെന്ന് ഇന്ത്യ നിലപാട് എടുക്കുമ്പോഴും പാകിസ്ഥാൻ വിവിധ അന്താരാഷ്ട്ര വേദികളിൽ നിരന്തരം കശ്മീർ വിഷയം ഉന്നയിച്ചുകൊണ്ടിരിക്കുകയാണ്.
Related News
പെട്രോൾ വില വർദ്ധനവിനെക്കുറിച്ച് കെ.സുരേന്ദ്രന്റെ പ്രതികരണം
കൊടകര കുഴൽപ്പണ കവർച്ചാകേസിൽ കണ്ണൂരില് നിന്ന് ഏഴര ലക്ഷം രൂപ കൂടി കണ്ടെടുത്തു
‘നല്ല കാര്യങ്ങൾ ആര് ചെയ്താലും അംഗീകരിക്കും’; കേരളീയത്തിൽ പങ്കെടുത്ത് ബിജെപി നേതാവ് ഒ.രാജഗോപാൽ
കെ സുരേന്ദ്രനെതിരെ കേസെടുത്തു
