അയോധ്യ വിഷയത്തില് അനാവശ്യ പരാമര്ശങ്ങള് ഒഴിവാക്കണം; മന്ത്രിമാർക്ക് മോദിയുടെ ഉപദേശം
ന്യൂഡല്ഹി: അയോധ്യ കേസില് കോടതി വിധി വരാനിരിക്കുന്ന പശ്ചാത്തലത്തില് മന്ത്രിമാര്ക്ക് ഉപദേശവുമായി പ്രധാനമന്ത്രി നരേന്ദ്ര മോദി. വിഷയത്തില് അനാവശ്യ പ്രസ്താവനകള് ഒഴിവാക്കണമെന്നും രാജ്യത്ത് മതസൗഹാര്ദം ശക്തമാക്കാന് ആവശ്യമായ പ്രവര്ത്തനങ്ങളുടെ ഭാഗമാവണമെന്നും പ്രധാനമന്ത്രി മന്ത്രിമാര്ക്ക് നിര്ദേശം നല്കി.
വിജയത്തിന്റെയും പരാജയത്തിന്റെയും വീക്ഷണ കോണിലൂടെ അയോധ്യ വിധിയെ നോക്കിക്കാണരുതെന്നും മോദി ഓര്മിപ്പിച്ചു. ചൊവ്വാഴ്ച വൈകിട്ട് നടന്ന മന്ത്രിസഭ യോഗത്തില് വെച്ചാണ് പ്രധാനമന്ത്രി ഈ നിര്ദേശം നല്കിയത്. നവംബര് 17 ന് സുപ്രീം കോടതി ചീഫ് ജസ്റ്റിസ് രഞ്ജന് ഗോഗോയ് വിരമിക്കുന്നതിനാല് അതിന് മുന്പായി അയോധ്യ കേസിലെ വിധി വരും എന്നാണ് നിലവിലെ റിപ്പോർട്ടുകൾ.
ബി.ജെ.പിയും വിധിയുടെ പശ്ചാത്തലത്തില് പ്രകോപനപരമായ പ്രസ്താവനകള് നടത്തരുതെന്ന് നേതാക്കള്ക്കും പ്രവര്ത്തകര്ക്കും നിര്ദേശം നല്കിയിരുന്നു. കോടതി വിധി വരുന്ന സമയത്ത് അവരവരുടെ മണ്ഡലങ്ങളില് കേന്ദ്രീകരിച്ച് നില്ക്കണമെന്നും എംഎൽഎ, എംപി തുടങ്ങിയവർക്ക് ബിജെപി നിര്ദേശം നല്കിയിരുന്നു. വിവിധ മുസ്ലിം സാമുദായിക നേതാക്കളും സമാനമായ നിര്ദേശം നല്കിയിട്ടുണ്ട്.