കശ്മീരില് ഭീകരരുടെ ഒളിത്താവളം സൈന്യം തകര്ത്തു; 5 ലഷ്കര് ഭീകരര് പിടിയില്
ശ്രീനഗര്: കശ്മീരില് സംഹാര താണ്ഡവമാടി സൈന്യം. ലഷ്കര് ഭീകരരുടെ ഒളിത്താവളം സൈന്യം തകര്ക്കുകയും അഞ്ച് ലഷ്കര്-ഇ-തോയിബ ഭീകരരെ സൈന്യം പിടികൂടുകയും ചെയ്തു. ബുദ്ഗാമിലെ ലഷ്കര് ഭീകരരുടെ താവളമാണ് സൈന്യം തകര്ത്തത്. ബുദ്ഗാം പൊലീസും ആര്മി രാഷ്ട്രീയ റൈഫിള്സും സംയുക്തമായിട്ട് നടത്തിയ ഓപ്പറേഷനിലാണ് ഭീകരര് പിടിയിലായത്. ഇവരില് നിന്നും നിരവധി ആയുധങ്ങളും സേന പിടിച്ചെടുത്തിട്ടുണ്ട്. വെടിയുണ്ടാകളും എകെ-47 തോക്കുകളുമടക്കം നിരവധി ആയുധങ്ങളാണ് ഭീകരരില് നിന്നും പിടിച്ചെടുത്തത്.
ഇവരെ യുഎപിഎ കുറ്റം ചുമത്തിയാണ് അറസ്റ്റ് ചെയ്തതെന്ന് അധികൃതര് വ്യക്തമാക്കിയിട്ടുണ്ട്. ഇതിനിടയില് സോപോറിലും ഭീകരരും സുരക്ഷാ സേനയും തമ്മില് നടന്ന ഏറ്റുമുട്ടലില് രണ്ടു ഭീകരരെ സൈന്യം വധിച്ചു. അവിടെ ഏറ്റുമുട്ടല് നടക്കുന്നുണ്ടെന്നാണ് വിവരം ലഭിക്കുന്നത്. കൂടുതല് സുരക്ഷാ ഉദ്യോഗസ്ഥരും അവിടെ എത്തിച്ചേര്ന്നിട്ടുണ്ട് എന്നാണ് വിവരം ലഭിക്കുന്നത്.