വന അദാലത്ത്: തിരുവനന്തപുരം ജില്ലയില്‍ അപേക്ഷകള്‍ ആഗസ്റ്റ് രണ്ടുവരെ നൽകാം

Ajith.A

25 July 2019 04:36 PM

തിരുവനന്തപുരം : വനം വന്യജീവി വകുപ്പുമായി ബന്ധപ്പെട്ട പരാതികള്‍ക്ക് അടിയന്തിര പരിഹാരം കാണുന്നതിനായി വകുപ്പ് തിരുവനന്തപുരം ജില്ലയില്‍ സംഘടിപ്പിക്കുന്ന വന അദാലത്ത് ആഗസ്റ്റ്
9 ന് നടക്കും. നെടുമങ്ങാട് മുനിസിപ്പല്‍ ഠൗണ്‍ഹാളില്‍ രാവിലെ 10ന് വനംമന്ത്രി അഡ്വ കെ രാജു അദാലത്ത് ഉദ്ഘാടനം ചെയ്യും. പട്ടയ സംബന്ധമായ പരാതികള്‍ ഒഴികെ വനംവകുപ്പുമായി ബന്ധപ്പെട്ട പരാതികളാണ് അദാലത്തില്‍ പരിഗണിക്കുക.

ആഗസ്റ്റ് രണ്ട് വരെ ലഭിക്കുന്ന പരാതികള്‍ അദാലത്തില്‍ പരിഗണിക്കും. സ്വന്തം മേല്‍വിലാസവും ഫോണ്‍നമ്പറും രേഖപ്പെടുത്തിയ അപേക്ഷകള്‍ അനുബന്ധ രേഖകള്‍ സഹിതം വനംവകുപ്പിന്റെ താഴെ പറയുന്ന ഓഫീസുകളില്‍ സമര്‍പ്പിക്കാവുന്നതാണ്. അപേക്ഷ നല്‍കുന്ന സമയത്ത് പരാതിക്കാരന് ലഭിക്കുന്ന ടോക്കണ്‍ നമ്പറാണ് തുടരന്വേഷണങ്ങള്‍ക്ക് ഉപയോഗിക്കേണ്ടത്. ഉച്ചക്ക് ഒരു മണിക്ക് അദാലത്ത് സമാപിക്കും.