കിടപ്പാടമില്ലാത്തവർക്ക് "ലൈഫ്"
തിരുവനന്തപുരം : കിടപ്പാടമില്ലാത്ത 52 കുടുംബങ്ങൾക്ക് വീടൊരുക്കാൻ "ലൈഫ്". കിളിമാനൂർ ബ്ലോക്ക് പഞ്ചായത്താണ് "ലൈഫ്" പദ്ധതിയിൽ ഉൾപ്പെടുത്തി 52 പട്ടികജാതി കുടുംബങ്ങൾക്ക് വീടൊരുക്കുന്നത്. ഇതിനായി പഴയകുന്നുമ്മൽ പഞ്ചായത്തിലെ വിലയ്ക്കാട്ടുകോണത്ത് 70 ലക്ഷം രൂപ ചിലവിൽ 80 സെനറ്റ് ഭൂമി ബ്ലോക്ക് പഞ്ചായത് വാങ്ങി. ഇതിന്റെ ശിലാസ്ഥാപന കർമ്മം ആറ്റിങ്ങൽ എംഎൽഎ അഡ്വ.ബി സത്യന്റെ അധ്യക്ഷതയിൽ ചേർന്ന യോഗത്തിൽ പട്ടികജാതി - വർഗക്ഷേമ മന്ത്രി എ കെ ബാലൻ നിർവഹിച്ചു.
12 ലക്ഷം രൂപ ചിലവിൽ രണ്ടു കിടപ്പുമുറി, ലിവിങ് റൂം,അടുക്കള, ശൗചാലയം എന്നിവ ഉൾപ്പെടുന്നതാണ് ഓരോ വീടും. മൂന്ന് നിലകളിലായി നാല് ബ്ലോക്കായി തിരിച്ചു ഫ്ലാറ്റ് മാതൃകയിലാണ് വീടൊരുങ്ങുന്നത്. ഇതോടൊപ്പം അങ്കണവാടി, കളിസ്ഥലം, ഷോപ്പിംഗ് കോംപ്ലക്സ് എന്നിവയും ഉണ്ടാകും. സ,സംസ്ഥാന സർക്കാർ സ്ഥാപനമായ കോസ്റ്റഫോർഡിനാണ് നിർമ്മാണ ചുമതല. 2.75 കോടി രൂപയുടെ ആദ്യ ഘട്ട നിർമ്മാണം അടുത്ത ജൂണിൽ പൂർത്തിയാകുമെന്ന് എംഎൽഎ പറഞ്ഞു.