സംസ്ഥാനത്ത് ഇന്ന് 28 കോവിഡ് മരണങ്ങള് കൂടി; ആകെ 3042 മരണം
തിരുവനന്തപുരം : സംസ്ഥാനത്ത് കഴിഞ്ഞ ദിവസങ്ങളിലുണ്ടായ 28 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 3042 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.
സംസ്ഥാനത്ത് ബുധനാഴ്ച 6268 പേര്ക്ക് കോവിഡ് സ്ഥിരീകരിച്ചു. അടുത്തിടെ യുകെയില് നിന്നുവന്ന 29 പേര്ക്കാണ് ഇതുവരെ കോവിഡ്-19 സ്ഥിരീകരിച്ചത്. ഇവരുടെ സാംപിളുകള് തുടര്പരിശോധനക്കായി എന്ഐവി പുണെയിലേക്ക് അയച്ചിട്ടുണ്ട്.