കോട്ടയം ജില്ലാതല സിവിൽ സർവീസ് മത്സരം നവം. 2നും 3നും

News Desk

28 October 2021 12:15 PM

കോട്ടയം: ജില്ലയിലെ സർക്കാർ ജീവനക്കാർക്കായി ജില്ലാ സ്പോർട്സ് കൗൺസിൽ സംഘടിപ്പിക്കുന്ന ജില്ലാതല സിവിൽ സർവീസ് മത്സരങ്ങൾ നവംബർ രണ്ട്, മൂന്ന് തീയതികളിൽ നടക്കും. രണ്ടിന് കോട്ടയം ഇൻഡോർ സ്റ്റേഡിയത്തിൽ വോളിബോൾ(പുരുഷ ,വനിത), ബാസ്‌കറ്റ്ബോൾ ഷട്ടിൽ ബാഡ്മിന്റൺ, ലോൺ ടെന്നീസ്, ടേബിൾ ടെന്നീസ്, പവർ ലിഫ്റ്റിങ് വെയിറ്റ് ലിഫ്റ്റിങ്, ബെസ്റ്റ് ഫിസിക്ക, കബഡി (പുരുഷ, വനിത), റസ്ലിങ് (പുരുഷ, വനിത), ക്രിക്കറ്റ്, ചെസ് എന്നിവ നടത്തും.

അത്ലറ്റിക്സ്, ഫുട്ബോൾ, സ്വിമ്മിങ് എന്നിവ മൂന്നിന് പാലാ മുനിസിപ്പൽ സ്റ്റേഡിയത്തിലാണ് നടക്കുക. പങ്കെടുക്കാൻ താൽപ്പര്യമുള്ളവർ മേലധികാരി സാക്ഷ്യപ്പെടുത്തിയ ഫോട്ടോ പതിച്ച എലിജിബിലിറ്റി ഫോറം, രണ്ടു ഡോസ് കോവിഡ് വാക്സിൻ ലഭിച്ചതിന്റെ സർട്ടിഫിക്കറ്റ് അല്ലെങ്കിൽ 48 മണിക്കൂറിനുള്ളിലുള്ള ആർ.ടി.പി.സി.ആർ/ആർ.എ.ടി പരിശോധനയുടെ നെഗറ്റീവ് സർട്ടിഫിക്കറ്റ് എന്നിവ സഹിതം നിശ്ചിത തീയതികളിൽ അതത് സെന്ററുകളിൽ രാവിലെ ഒമ്പതിന് എത്തണം. വിശദവിവരത്തിന് ഫോൺ: 0481-2563825.