കവിയൂര് പൊന്നമ്മ അന്തരിച്ചു
കവിയൂര് പൊന്നമ്മ അന്തരിച്ചു. 79 വയസായിരുന്നു. എറണാകുളം ലിസി ആശുപത്രിയില് ചികിത്സയിലായിരുന്നു. വാര്ദ്ധക്യ സഹജമായ അസുഖങ്ങളെ തുടര്ന്ന് ഒരു മാസത്തിലേറെയായി ചികിത്സയിലായിരുന്നു നടി.
ആറ് പതിറ്റാണ്ടുകളായി മലയാള സിനിമയില് നിറഞ്ഞു നില്ക്കുന്ന പൊന്നമ്മ ആയിരത്തോളം സിനിമകളില് അഭിനയിച്ചിട്ടുണ്ട്. 1965ല് കുടുംബിനി എന്ന ചിത്രത്തില് രണ്ട് കുട്ടികളുടെ അമ്മയായെത്തിയ നടിക്ക് പിന്നീട് മലയാള സിനിമയിലുടനീളം അമ്മ മുഖമായിരുന്നു. പ്രേം നസീര് മുതല് പുതുതലമുറ നടന്മാരുടേതുള്പ്പെടെ അമ്മയായി വേഷമിട്ടിട്ടുണ്ട്.