എച്ച്‌3എൻ2; ആശങ്ക വേണ്ടെന്ന് മന്ത്രി വീണാ ജോർജ്, ആലപ്പുഴയിൽ രണ്ട് രോഗികൾ ചികിത്സയിൽ
പകർച്ചപ്പനിയുടെ ഉപവകഭേദമായ എച്ച്‌3എൻ2 ഒക്ടോബറിൽ തന്നെ കണ്ടെത്തിയിരുന്നുവെന്നും ഇതിൽ ആശങ്ക വേണ്ടായെന്നും ആരോഗ്യമന്ത്രി വീണാ ജോർജ്. നിലവിൽ വെെറസ് ബാധിച്ച രണ്ട് രോഗികൾ ആലപ്പുഴയിൽ ചികിത്സയിലുണ്ട്‌. ഇതു സംബന്ധിച്ച് ആവശ്യമായ മുൻകരുതലുകൾ സ്വീകരിക്കണമെന്ന് നിർദേശങ്ങൾ നൽകിയിട്ടുണ്ടെന്നും മന്ത്രി വ്യക്തമാക്കി. സംസ്ഥാനത്ത് ചൂട് കൂടുന്നതനുസരിച്ച് നിർജലീകരണവും ദേഹാസ്വാസ്ഥ്യവും ഉണ്ടാകാൻ സാധ്യതയുള്ളതിനാൽ കരുതൽ വേണമെന്നും മന്ത്രി പറഞ്ഞു. ആരോഗ്യ വകുപ്പിന്റെ ഉന്നതതല യോഗത്തിന് ശേഷം സംസാരിക്കുകയായിരുന്നു മന്ത്രി.
'ഇൻഫ്‌ളുവൻസയ്ക്ക് പല തരത്തിലുള്ള വകഭേദങ്ങളുണ്ട്. എന്നാൽ സംസ്ഥാനത്ത് എച്ച്‌3എൻ2 വകഭേദം കൂടുന്നതായി കണക്ക് നിലവില്ല. പനി ബാധിതർ ആശുപത്രിയിൽ എത്തുമ്പോൾ കൊവിഡിനും എലിപ്പനിയ്ക്കും പുറമെ ഇൻഫ്‌ളുവൻസയുണ്ടോ എന്ന് പരിശോധിക്കണമെന്ന് നിർദേശം നൽകിയിട്ടുണ്ട്. സംസ്ഥാനത്ത് ശ്വാസകോശ സംബന്ധമായ പ്രശ്‌നങ്ങൾ കൂടുന്ന സാഹചര്യമുണ്ട്. ഇതു സംബന്ധിച്ച് ആവശ്യമായ മുൻകരുതലുകൾ സ്വീകരിക്കണമെന്നും നിർദേശം നൽകിയിട്ടുണ്ട്,' മന്ത്രി പറഞ്ഞു.
Related News
അവര്‍ മുന്നോട്ട് വെച്ച രാഷ്ട്രീയം നാടിനാവശ്യമാണ്, ശൈലജ ടീച്ചര്‍ പാര്‍ലമെന്റിലുണ്ടാകണം: നിഖില വിമല്‍
സാധാരണക്കാരന്‍ എന്നുകേട്ടാല്‍ ശശി തരൂരിന് പരമ പുച്ഛമാണ്; പന്ന്യന്‍ രവീന്ദ്രന്‍
ലോക്സഭ തിരഞ്ഞെടുപ്പ്: വോട്ടെടുപ്പിന് സുരക്ഷയൊരുക്കാൻ 66,303 പൊലീസുകാർ
ലോക്‌സഭാ തിരഞ്ഞെടുപ്പ് ക്വിസ്; മെഗാ ഫൈനലിൽ അയ്യപ്പദാസും ജിതിനും ജേതാക്കൾ
