ഉമ്മന്‍‌ചാണ്ടിയെ ആശുപത്രിയില്‍ പ്രവേശിപ്പിച്ചു
ചികിത്സാ നിഷേധ വിവാദങ്ങള്‍ക്കിടെ മുതിര്‍ന്ന കോണ്‍ഗ്രസ് നേതാവും മുന്‍ മുഖ്യമന്ത്രിയുമായ ഉമ്മന്‍‌ചാണ്ടിയെ ആശുപത്രിയില്‍ പ്രവേശിപ്പിച്ചു.
ഇന്ന് വൈകിട്ടോടെ നെയ്യാറ്റിന്‍കര നിംസ് ആശുപത്രിയിലാണ് അദ്ദേഹത്തെ പ്രവേശിപ്പിച്ചത്. ഉമ്മന്‍ ചാണ്ടിക്ക് കുടുംബം ചികിത്സ നിഷേധിക്കുന്നുവെന്നാണ് ഇപ്പോള്‍ പ്രചരിക്കുന്നത്. എന്നാല്‍ ഈ വാര്‍ത്തകള്‍ കഴിഞ്ഞ ദിവസം ഉമ്മന്‍ ചാണ്ടിയും മകന്‍ ചാണ്ടി ഉമ്മനും പൂര്‍ണമായി നിഷേധിച്ചിരുന്നു. ഈ വിവാദങ്ങള്‍ക്കിടെയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചുവെന്ന വാര്‍ത്ത വരുന്നത്. ന്യുമോണിയക്കുള്ള ചികിത്സയ്ക്കാണ് ആശുപത്രിയില്‍ പ്രവേശിപ്പിച്ചത് എന്നാണ് വിവരം.
ഉമ്മന്‍ചാണ്ടിക്ക് കുടുംബം ചികിത്സ നിക്ഷേധിക്കുന്നുവെന്ന ആരോപണവുമായി അടുത്ത ബന്ധുക്കള്‍ രംഗത്തെത്തിയിരുന്നു. രോഗം കണ്ടുപിടിച്ചിട്ടും ചികിത്സ നിഷേധിച്ചത് മകന്‍ ചാണ്ടി ഉമ്മനും ഭാര്യ മറിയാമ്മയുമെന്ന് ഉമ്മന്‍ചാണ്ടിയുടെ സഹോദരന് അലക്‌സ് ചാണ്ടി പറഞ്ഞു. സഹോദരന് ചികിത്സ നിഷേധിക്കുന്നത് ചൂണ്ടിക്കാട്ടി മുഖ്യമന്ത്രിക്കും ആരോഗ്യ മന്ത്രിക്കും പരാതി നല്‍കിയിട്ടുണ്ടെന്നും സഹോദരന് പറഞ്ഞു.
ജര്‍മനിയിലെ ചികിത്സയ്ക്ക് ശേഷം ബംഗളുരുവില്‍ ഉമ്മന്‍ ചാണ്ടി ചികിത്സ തേടിയിരുന്നു. ഇതിന്റെ തുടര്‍ ചികിത്സയ്ക്ക് പോകേണ്ട ദിവസം കഴിഞ്ഞിട്ടും പോകാതിരുന്നതാണ് വിവാദത്തിന് ഇടയാക്കിയതെന്നാണ് സൂചനകള്‍.
Related News
കര്‍ണാടക തെരഞ്ഞെടുപ്പ് ഒറ്റഘട്ടമായി, വോട്ടെടുപ്പ് മെയ് 10ന്, വോട്ടെണ്ണല്‍ 13ന്, വയനാട്ടില്‍ ഉപതെരഞ്ഞെടുപ്പില്ല
യൂത്ത് പാര്‍ലമെന്റ് സംഘടിപ്പിച്ചു
സൗജന്യ തൊഴിലധിഷ്ഠിത കോഴ്‌സുകള്‍
ഷൊര്‍ണൂര്‍ ഗവ ടെക്നിക്കല്‍ ഹൈസ്‌കൂള്‍ പ്രവേശനം
മുളവട്ടം – ചീളിയാട് റോഡ് ഉദ്ഘാടനം ചെയ്തു