125 CC സ്ക്രാംബ്ലർ മോഡലുമായി കീവേ; വില ഒന്നര ലക്ഷത്തിനകത്ത്
പുതിയ മോഡൽ മോട്ടോർസൈക്കിളായ 'SR125' ഇന്ത്യയിൽ അവതരിപ്പിച്ച് കീവേ. 1,19,000 രൂപയാണ് ഈ വാഹനത്തിന്റെ എക്സ്ഷോറൂം വില. കീവേയുടെ വാഹന ശേഖരത്തിലേക്കുള്ള എൻട്രി സെഗ്മെന്റ് മോഡലാണ് SR125. ഗ്ലോസി റെഡ്, ഗ്ലോസി ബ്ലാക്ക്, ഗ്ലോസി വൈറ്റ് എന്നീ നിറങ്ങളിൽ മോഡൽ ലഭ്യമാണ്. വാഹനത്തിന് കരുത്തേകുന്നത് 9.7hp കരുത്തും 8.2Nm ടോർക്കും പ്രദാനം ചെയ്യുന്ന EFIയോടുകൂടിയ സിംഗിൾ-സിലിണ്ടർ, 4-സ്ട്രോക്ക്, 125 സിസി എഞ്ചിനാണ്. അഞ്ച് സ്പീഡ് ട്രാൻസ്മിഷനുകളാണ് എഞ്ചിനിൽ ഉൾപ്പെടുത്തിയിരിക്കുന്നത്.