' പട ' ഫെബ്രുവരിയിൽ
കുഞ്ചാക്കോ ബോബന്, വിനായകന്, ജോജു ജോര്ജ്, ദിലീഷ് പോത്തന് എന്നിവരെ പ്രധാന കഥാപാത്രങ്ങളാകുന്ന ചിത്രം 'പട'യുടെ റിലീസ് പ്രഖ്യാപിച്ചു. ചിത്രം ഫെബ്രുവരിയില് പ്രേക്ഷകരിലേക്ക് എത്തും. ഇ 4 എന്റര്ടെയ്ന്മെന്റും എവിഎ പ്രൊഡക്ഷന്സും ചേര്ന്നാണ് ചിത്രത്തിന്റെ നിര്മ്മാണം. പടയുടെ ചിത്രീകരണം കഴിഞ്ഞ ഓഗസ്റ്റിലാണ് അവസാനിച്ചത്. രണ്ട് വര്ഷത്തിന് ശേഷമാണ് വലിയ താരനിരയുമായി എത്തിയ ചിത്രത്തിന്റെ ഷൂട്ടിങ്ങ് അവസാനിച്ചത്. നിര്മ്മാതാവും പ്രൊഡക്ഷന് കണ്ട്രോളറുമായ ബാദുഷയാണ് ഫേസ്ബുക്കിലൂടെ ചിത്രത്തിന്റെ വിശേഷം പങ്കുവെച്ചത്.
2012ല് പുറത്തെത്തിയ ഹിന്ദി ചിത്രം 'ഐഡി'യിലൂടെ സംവിധായകനായി അരങ്ങേറിയ വ്യക്തിയാണ് കമല് കെ. 1996ല് പാലക്കാട് കളക്ട്രേറ്റില് അയ്യങ്കാളി പടയിലെ അംഗങ്ങളായ നാല് യുവാക്കള് കളക്ടറെ ബന്ദിയാക്കിയ സംഭവത്തെ ആസ്പദമാക്കിയാണ് ചിത്രം ഒരുങ്ങുന്നതെന്നാണ് റിപ്പോർട്ട്. കേരളത്തില് ഇരുപത്തിയഞ്ച് വര്ഷങ്ങൾക്ക് മുന്പ് നടന്നതും ഏറെ മാധ്യമശ്രദ്ധ നേടിയതുമായ ഒരു യഥാര്ഥ സംഭവത്തെ ആസ്പദമാക്കിയാണ് പട ഒരുക്കുന്നത് എന്ന് മുൻപ് തന്നെ റിപ്പോർട്ടുകളുണ്ടായിരുന്നു.
25 വര്ഷം മുമ്ബ് കേരളത്തെ നടുക്കുകയും വലിയ ചര്ച്ചകള്ക്ക് കാരണമാവുകയും ചെയ്ത ഒരു സംഭവമാണ് പട ചര്ച്ച ചെയ്യുന്നത്. 'ഐഡി' എന്ന ചിത്രത്തിന് ശേഷം കെ എം കമല് സംവിധാനം ചെയ്യുന്ന ചിത്രമാണ് 'പട'. സമീര് താഹിറാണ് ചിത്രത്തിന്റെ ഛായാഗ്രഹണം നിര്വ്വഹിക്കുന്നത്. ഗോകുല് ദാസ് കലാസംവിധാനവും, അജയന് അടാട്ട് ശബ്ദസംവിധാനവും നിര്വ്വഹിക്കുന്നു.