റെഡ്മി നോട്ട് 11ടി 5ജി എന്ന പുതിയ ഫോണ്‍ റെഡ്മി നോട്ട് 10ടി യുടെ പിന്‍ഗാമിയായാകും എത്തുക, മെച്ചപ്പെട്ട സവിശേഷതകളോടെയും പുതിയ ഡിസൈനിലുമാകും ഫോണ്‍ എത്തുക. കഴിഞ്ഞ മാസം ചൈനയില്‍ റെഡ്മി നോട്ട് 11, നോട്ട് 11 പ്രോ, നോട്ട് 11 പ്രോ+ എന്നിവ പുറത്തിറക്കിയതിന് ശേഷം റെഡ്മി പുറത്തിറക്കുന്ന നാലാമത്തെ റെഡ്മി നോട്ട് 11 സീരീസ് ഫോണ്‍ കൂടിയാണിത്. എന്നാല്‍ ഇന്ത്യയിലെ ആദ്യ 11 സീരീസാണ് ഇത്.

നവംബര്‍ 30നാണ് ഫോണ്‍ ഇന്ത്യന്‍ വിപണിയില്‍ എത്തുക. 'നെക്സ്റ്റ് ജെന്‍ റേസര്‍' എന്ന് വിളിക്കപ്പെടുന്ന ഫോണ്‍ ഗെയിം കളിക്കുന്നവരെ കൂടി ലക്ഷ്യം വെച്ചുള്ളതാകുമെന്നാണ് കരുതുന്നത്.

Redmi Note 11T 5G: What we know so far - റെഡ്മി നോട്ട് 11ടി 5ജി ഇതുവരെ അറിയുന്ന വിവരങ്ങള്‍

ഈ മാസം ആദ്യം ആഗോളതലത്തില്‍ പുറത്തിറക്കിയ പോക്കോ എം4 പ്രോയുടെ റീബ്രാന്‍ഡഡ് പതിപ്പായിരിക്കും റെഡ്മി നോട്ട് 11 ടി 5ജിയെന്നാണ് പുറത്തു വരുന്ന വിവരങ്ങള്‍ സൂചിപ്പിക്കുന്നത്. നോട്ട് 11ടി യെ സംബന്ധിച്ച്‌ ധാരാളം വിശദാംശങ്ങള്‍ ലഭ്യമല്ലെങ്കിലും, പോക്കോ എം4 പ്രോയുടെ സവിശേഷതകളെ അടിസ്ഥാനമാക്കി നമുക്ക് മനസിലാക്കാന്‍ കഴിയുന്നവ ഇതാ.

റെഡ്മി നോട്ട് 11ടി 5ജി 6എന്‍എം മീഡിയടെക് ഡൈമെന്‍സിറ്റി 810 5ജി പ്രോസസറില്‍ വരുമെന്നാണ് പ്രതീക്ഷിക്കുന്നത്, കൂടാതെ 90ഹേര്‍ട്സ് റിഫ്രഷ് റേറ്റ് പിന്തുണയ്ക്കുന്ന 6.6 ഇഞ്ച് ഫുള്‍എച്ഡി + ഡിസ്പ്ലേയും ഇതില്‍ ഉണ്ടായേക്കും. 33വാട്ട് ഫാസ്റ്റ് ചാര്‍ജിങ് പിന്തുണയോടെ 5,000എംഎഎച് ബാറ്ററിയുമായി ഫോണ്‍ എത്തുമെന്നാണ് കരുതുന്നത്.

ആന്‍ഡ്രോയിഡ് 11ല്‍ എംഐയൂഐ 12.5 ലാകും ഫോണ്‍ പ്രവര്‍ത്തിക്കുകയെന്നും ഒന്നിലധികം സ്റ്റോറേജ് ഓപ്‌ഷനുകളില്‍ ലഭിക്കുമെന്നും പ്രതീക്ഷിക്കുന്നു. 50എംപിയുടെ പിന്‍ ക്യാമറയും നടുക്ക് പഞ്ച്ഹോള്‍ കട്ടൗട്ടില്‍ 16എംപി ഫ്രണ്ട് ക്യാമറയും ഫോണില്‍ പ്രതീക്ഷിക്കുന്നു. സ്റ്റാര്‍ഡസ്റ്റ് വൈറ്റ്, മാറ്റ് ബ്ലാക്ക്, അക്വാമറൈന്‍ ബ്ലൂ എന്നീ നിറങ്ങളിലാകും ഫോണ്‍ എത്തുക എന്നാണ് കരുതുന്നത്, എന്നാല്‍ വിലയും ലഭ്യതയും സംബന്ധിച്ച വിവരങ്ങളൊന്നും ഇതുവരെ ലഭ്യമായിട്ടില്ല.