നല്ല ഉറക്കം കിട്ടാൻ ഇവ ശ്രദ്ധിച്ചാൽ മതി
നല്ല ഉറക്കം നിങ്ങളെ ഏറ്റവുമധികം സന്തോഷിപ്പിക്കുന്ന ഒന്നാണ്. മനസ്സിനെ ശാന്തമാക്കാനും ചിന്തകള്ക്ക് പുതുമ കൈവരിക്കാനും ഉറക്കം വഹിക്കുന്ന പങ്ക് വളരെ വലുതാണ്.
ശരീരത്തിന് ആവശ്യമായ ഉറക്കം കിട്ടിയില്ലെങ്കില് നിരവധി ആരോഗ്യ പ്രശ്നങ്ങള് ഉണ്ടായേക്കാം.
കൃത്യസമയത്ത് ഉറങ്ങുന്നത് കൊണ്ട് ധാരാളം ഗുണങ്ങളുണ്ട്. ശരീരത്തിന്റെ ശരിയായ പ്രവര്ത്തനത്തിന് കൃത്യമായ ഉറക്കം ആവശ്യമാണ്. ഉറക്കക്കുറവ് വിഷാദം, ഉത്കണ്ഠ എന്നിവ ഉള്പ്പെടെയുള്ള മാനസികാരോഗ്യപ്രശ്നങ്ങള് വര്ദ്ധിക്കാന് കാരണമാകുന്നു.
മസാലയും കൊഴുപ്പും കൂടുതല് അടങ്ങിയ ഭക്ഷണങ്ങള് ദഹിക്കാന് പ്രയാസമാണ്. ഇത് ഉറക്കത്തെ തടസ്സപ്പെടുത്തും. രാത്രിയിലെ ഭക്ഷണം ലഘുവായിരിക്കണം, കാരണം വലിയ അളവില് ഭക്ഷണം കഴിച്ചാല് ദഹിക്കാന് കൂടുതല് സമയമെടുക്കുകയും ഉറക്കത്തെ ബാധിക്കുകയും ചെയ്യും.
ഉറങ്ങുന്നതിനുമുമ്ബ് കുളിക്കാന് വിദഗ്ദ്ധര് ശുപാര്ശ ചെയ്യുന്നു. ഇത് ആളുകളെ വേഗത്തില് ഉറങ്ങാന് സഹായിക്കുകയും ഉറക്കത്തിന്റെ ഗുണനിലവാരം മെച്ചപ്പെടുത്തുകയും ചെയ്യുന്നു.
മദ്യം ഉറക്കത്തെ കാര്യമായി ബാധിക്കാം. മദ്യപിക്കുന്നതിലൂടെ പെട്ടെന്ന് ഉറങ്ങാന് കഴിയുമായിരിക്കും. പക്ഷേ, നല്ല ഉറക്കം ലഭിക്കില്ല. അമിതമായ മദ്യപാനം ഉറക്കത്തെ അകറ്റിനിര്ത്തും.