ചൂട് വെള്ളം കുടിച്ചാൽ ശരീരത്തിന് ലഭിക്കുന്നത് ധാരാളം ഗുണങ്ങൾ

Ajith.A

11 November 2021 12:06 PM

മനുഷ്യന്റെയും മറ്റ് ജീവജാലങ്ങളുടെയും ആരോഗ്യത്തിന് ഏറ്റവും അത്യാവശ്യമാണ് ജലം. ജലാംശത്തിന്റെ കുറവ് മനുഷ്യശരീരത്തെ എപ്പോഴും പ്രതികൂലമായി ബാധിക്കാറുണ്ട്.

അതിനാലാണ് നല്ല അളവില്‍ വെള്ളം ശരീരത്തിലേക്ക് എത്തണമെന്ന് വൈദ്യശാസ്ത്രം പറയുന്നത്. ഒരു ഗ്ലാസ്സ് ചൂടുവെള്ളത്തിന് നമ്മുടെ മെറ്റബോളിസം ഉയര്‍ത്താന്‍ സാധിക്കുന്നു. ദഹനം കൃത്യമാക്കുന്നതിന് എല്ലാ വിധത്തിലും സഹായിക്കുന്ന ഒന്നാണ് ഇളം ചൂടുള്ള വെള്ളം. രക്തം ശുദ്ധീകരിക്കുന്നതിനും വളരെയധികം സഹായിക്കുന്നു.

രക്തത്തിലുള്ള ദോഷകരമായ ബാക്ടീരിയയെ ഇല്ലാതാക്കുന്നതിനും നശിപ്പിക്കുന്നതിനും ഒരു ഗ്ലാസ്സ് ചൂടുവെള്ളം മതി. ഇത് ശരീരത്തിലെ ടോക്സിനെ പുറന്തള്ളുന്നതിന് സഹായിക്കുന്നു. ഒരു ഗ്ലാസ്സ് ചൂടുവെള്ളത്തിലൂടെ ധമനികളില്‍ അടിഞ്ഞ് കൂടിയിട്ടുള്ള കൊളസ്ട്രോളിനെ നീക്കം ചെയ്യാം. കഫം, ജലദോഷം എന്നീ പ്രശ്നങ്ങള്‍ക്ക് വളരെയധികം ആശ്വാസം നല്‍കുന്നു.