താറാവ് മുട്ട കഴിക്കുന്നതിലൂടെ ശരീരത്തിന് ലഭിക്കുന്നത് നിരവധി ഗുണങ്ങൾ
താറാവ് മുട്ടയില് ധാരാളം പോഷകഗുണങ്ങള് അടങ്ങിയിരിക്കുന്നു. പ്രോട്ടീന് സമ്ബുഷ്ടമാണ് താറാവുമുട്ട. ശരീരത്തിന് ദിവസവും വേണ്ടതിന്റെ 18 ശതമാനവും പ്രോട്ടീന് ഒരു താറാവു മുട്ടയില് നിന്നും ലഭിക്കും.
ദിവസവും വേണ്ട വൈറ്റമിന് എയുടെ 9.4 ശതമാനം ഒരു താറാവു മുട്ടയില് നിന്നും ലഭിക്കും.കണ്ണിന്റെ ആരോഗ്യത്തിന് സഹായിക്കുന്ന പല ഘടകങ്ങളും ഒരു താറാവുമുട്ടയില് അടങ്ങിയിട്ടുണ്ട്. പ്രത്യേകിച്ച് വൈറ്റമിന് എ, തിമിരം തുടങ്ങിയ പല പ്രശ്നങ്ങള്ക്കുമുള്ള നല്ലൊരു മരുന്ന് കൂടിയാണ് താറാവ് മുട്ട. തലച്ചോറിന്റെ ആരോഗ്യത്തിന് ഉത്തമമായ ഒന്നാണ് താറാവുമുട്ട. പ്രത്യേകിച്ചു കുട്ടികള്ക്ക്.
ബുദ്ധിശക്തിയും ഓര്മശക്തിയും വര്ദ്ധിപ്പിക്കാന് ഇതിലെ ഘടകങ്ങള് സഹായിക്കുമെന്നാണ് പഠനങ്ങള് പറയുന്നത്. ഒമേഗ -3 ഫാറ്റി ആസിഡ് ധാരാളമായി താറാവ് മുട്ടയില് അടങ്ങിയിരിക്കുന്നു. ഇത് ഹൃദയാരോഗ്യത്തിന് വളരെ മികച്ചതാണ്. താറാവ് മുട്ട സാധാരണ കോഴിമുട്ടയേക്കാള് വലുതാണ്. ഒരു താറാവ് മുട്ടയുടെ വെള്ളയില് കൂടുതല് പ്രോട്ടീന് അടങ്ങിയിരിക്കുന്നു. ഒരു താറാവ് മുട്ടയില് 9 ഗ്രാം പ്രോട്ടീനും ഒരു കോഴിമുട്ടയില് 6 ഗ്രാം പ്രോട്ടീനിമാണ് അടങ്ങിയിരിക്കുന്നത്. കോഴിമുട്ടയെക്കാള് താറാവ് മുട്ടയാണ് ഗുണങ്ങളില് ഏറെ മുന്നിലുള്ളത്.