ഒളിമ്പിക്സ് ഹോക്കി; ലോക ചമ്പ്യാന്മാർക്ക് ​ മുന്നില്‍ പൊരുതി തോറ്റ് ഇന്ത്യ; ബെല്‍ജിയം ഫൈനലില്‍

Ajith.A

03 August 2021 10:27 AM

ടോക്യോ ഒളിംപിക്‌സ് പുരുഷ ഹോക്കി സെമിയില്‍ പൊരുതി തോറ്റ് ഇന്ത്യ. ലോക ചാമ്ബ്യന്മാരായ ബെല്‍ജിയം ഒളിംപിക്‌സ് ഹോക്കി ഫൈനലില്‍ കടന്നു. സെമിയില്‍ ഇന്ത്യയെ രണ്ടിനെതിരെ അഞ്ചുഗോളുകള്‍ക്ക് പരാജയപ്പെടുത്തിയാണ് ബെല്‍ജിയത്തിന്റെ കുതിപ്പ്. ഒരു ഘട്ടത്തില്‍ ലീഡ്​ പിടിച്ച ശേഷം അവസാന രണ്ടു ക്വാര്‍ട്ടറുകളില്‍ സൂപ്പര്‍ താരം അലക്​സാണ്ടര്‍ ഹെന്‍ഡ്രിക്​സ്​ നേടിയ ഹാട്രിക്​ മികവില്‍ 5-2ന്‍റെ തോല്‍വി സമ്മതിക്കുകയായിരുന്നു. ഹാട്രിക് നേടിയ അലക്‌സാണ്ടര്‍ ഹെന്റിക്‌സ് ആണ് ബെല്‍ജിയത്തിന്റെ വിജയശില്‍പ്പി. ഇതോടെ, ഇന്ത്യക്ക്​ മെഡലുറപ്പിക്കാന്‍ ഇനി മൂന്നാം സ്​ഥാനക്കാര്‍ക്കായുള്ള പോരാട്ടം ജയിക്കണം.

മല്‍സരത്തിന്റെ 70 -ാം സെക്കന്‍ഡില്‍ ലൂയിപെര്‍ട്ടിലൂടെ ബെല്‍ജിയം മുന്നിലെത്തി. തുടര്‍ന്ന് ആക്രമിച്ചു കളിച്ച ഇന്ത്യ 11-ാം മിനുട്ടില്‍ മന്‍പ്രിതീലൂടെ ഗോള്‍ മടക്കി സമനില പിടിച്ചു.രണ്ടു മിനുട്ടിനകം മന്‍ദീപ് സിങ്ങിലൂടെ വീണ്ടും ഗോള്‍ വല ചലിപ്പിച്ച്‌ ഇന്ത്യ മുന്നിലെത്തി. ആദ്യ ക്വാര്‍ട്ടര്‍ കഴിയുമ്ബോള്‍ ഇന്ത്യ 2-1 ന് ലീഡിലായിരുന്നു.എന്നാല്‍ രണ്ടാം ക്വാര്‍ട്ടറില്‍ അലക്‌സാണ്ടര്‍ ഹെന്റിക്‌സിലൂടെ ബെല്‍ജിയം ഗോള്‍ മടക്കി. ഇതോടെ ഇരു ടീമുകളും ഒപ്പത്തിനൊപ്പമായി. എന്നാല്‍ മൂന്നാം ക്വാര്‍ട്ടറില്‍ ഇരു ടീമുകള്‍ക്കും ഗോള്‍ നേടാനായില്ല.

നിര്‍ണായകമായ അവസാന ക്വാര്‍ട്ടറില്‍ രണ്ടു ഗോളുകള്‍ നേടിയ അലക്‌സാണ്ടര്‍ ഹെന്റിക്‌സാണ് ബെല്‍ജിയത്തിന് വിജയം ഉറപ്പിച്ചത്. പെനാല്‍റ്റി ലക്ഷ്യത്തിലെത്തിച്ചാണ് ഹെന്റിക്‌സ് ഹാട്രിക് തികച്ചത്. മല്‍സരത്തിന്റെ അവസാന നിമിഷം ഡോമെന്‍ നേടിയ ഫീല്‍ഡ് ഗോളോടെ ബെല്‍ജിയം ഫൈനല്‍ബെര്‍ത്ത് കരസ്ഥമാക്കി.ഒന്നിനെതിരെ രണ്ടു ഗോളിന് മുന്നിട്ടു നിന്നശേഷമായിരുന്നു ഇന്ത്യ ലോക ഒന്നാം നമ്ബര്‍ ടീമായ ബെല്‍ജിയത്തോട് തോല്‍വി വഴങ്ങിയത്.

ധ്യാന്‍ചന്ദും ധന്‍രാജും ഷാഹിദ്​ മുഹമ്മദും കളമൊഴിഞ്ഞ ഇന്ത്യന്‍ ഹോക്കിയെ വീണ്ടും രാജപീഠമേറ്റാന്‍ ഇറങ്ങിയ ശ്രീജേഷും സംഘവും തുടക്കം മുതല്‍ മനോഹര ഗെയിമുമായി വിജയം പ്രതീക്ഷിച്ചിരുന്നു. 49 വര്‍ഷത്തിനിടെ ആദ്യമായാണ്​ ഇന്ത്യ ഒളിമ്ബിക്​ സെമി കാണുന്നത്​. പൂള്‍ എയിലെ രണ്ടാം മത്സരത്തില്‍ ആസ്​ട്രേലിയയോട്​ ഒന്നിനെതിരെ ഏഴുഗോളിന്‍റെ ദയനീയ തോല്‍വി ഏറ്റുവാങ്ങിയ നീലക്കുപ്പായക്കാര്‍ പിന്നീട്​ നടത്തിയത്​ സമാനതകളില്ലാത്ത കുതിപ്പായിരുന്നു. ഇതോടെ, ഇനി ഇന്ത്യക്ക്​ മെഡലുറപ്പിക്കാന്‍ ഇനി മൂന്നാം സ്​ഥാനക്കാര്‍ക്കായുള്ള പോരാട്ടം ജയിക്കണം.