ബിൽകിസ് ബാനു കേസ്; കീഴടങ്ങാൻ സാവകാശം തേടി പ്രതികൾ നൽകിയ ഹർജി സുപ്രിം കോടതി തള്ളി
സി.ബി.എസ്.ഇ ഇംപ്രൂവ്മെന്റ്, കംപാര്ട്ട്മെന്റ് പരീക്ഷകള് ആഗസ്റ്റ് 16 മുതല് സെപ്റ്റംബര് 15 വരെ നടക്കും. ഇംഗ്ലീഷ് കോര്, ഫിസിക്കല് എജ്യുക്കേഷന്, ബിസിനസ് സ്റ്റഡീസ്, അക്കൗണ്ടന്സി, കെമിസ്ട്രി, പൊളിറ്റിക്കല് സയന്സ്, ബയോളജി, ഇക്കണോമിക്സ് സോഷ്യോളജി, ഐപി, കമ്ബ്യൂട്ടര് സയന്സ്, ഗണിതം, ഹിന്ദി, ജ്യോഗ്രഫി, ൈസക്കോളജി, ഹോം സയന്സ്, ഫിസിക്സ്, ഹിസ്റ്ററി എന്നീ വിഷയങ്ങളിലാണ് ഇംപ്രൂവ്മെന്റ് പരീക്ഷ.
10, 12 ക്ലാസുകളിലെ പ്രൈവറ്റ്, പത്രചാര്, കമ്ബാര്ട്ട്മെന്റ് സെക്കന്ഡ് ചാന്സ് എന്നിവര്ക്കും പരീക്ഷകള് നടത്തും. ടൈംടേബ്ള് ഉടന് പ്രസിദ്ധീകരിക്കും. കമ്ബാര്ട്ട്മെന്റ് വിദ്യാര്ഥികള് മാത്രമേ പരീക്ഷാഫീസ് നല്കേണ്ടതുള്ളൂവെന്നും സി.ബി.എസ്.ഇ വിജ്ഞാപനത്തില് അറിയിച്ചു. ചുരുക്കിയ സിലബസില് അനുസരിച്ചായിരിക്കും പരീക്ഷ. മാതൃകാ ചോദ്യപേപ്പറുകള് ബോര്ഡ് വെബ്സൈറ്റില് ലഭ്യമാണ്. രജിസ്ട്രേഷന് പോര്ട്ടല് വെബ്സൈറ്റില് ഉടന് ലഭ്യമാകും.
ജൂലൈ 30നായിരുന്നു സിബിഎസ്ഇ 12ാം ക്ലാസ് ഫലം പ്രഖ്യാപിച്ചത്. കോവിഡ് കാരണം വാര്ഷിക പരീക്ഷ നടത്തിയിരുന്നില്ല. പകരം, 10, 11 ക്ലാസ് പരീക്ഷകളിലെ പ്രകടനത്തിന്റെ അടിസ്ഥാനത്തിലാണ് വിദ്യാര്ത്ഥികള്ക്ക് മാര്ക്ക് നല്കിയിരുന്നത്. സി.ബി.എസ്.ഇ പത്താം ക്ലാസ് ഫലം ഇതുവരെ പ്രസിദ്ധീകരിച്ചിട്ടില്ല.