ഒളിംപിക്സ് നീന്തലിന് യോഗ്യത നേടി മലയാളി താരം സജന് പ്രകാശ്
മലയാളികള്ക്കാകെ അഭിമാനമായി നീന്തല് താരം സജന് പ്രകാശിന് വീണ്ടും ഒളിമ്ബിക്സ് യോഗ്യത. ചരിത്രം കുറിച്ചുകൊണ്ടാണ് റോമില് നടന്ന യോഗ്യതാ ചാമ്ബ്യന്ഷിപ്പില് 200 മീറ്റര് ബട്ടര്ഫ്ലൈയില് ഒന്നാമതെത്തി സജന് ടോക്യോ ഒളിമ്ബിക്സിന് യോഗ്യത നേടിയത്. ടോക്യോ ഒളിമ്ബിക്സില് 200 മീറ്റര് ബട്ടര്ഫ്ളൈ വിഭാഗത്തിലാവും സജന് മത്സരിക്കുക.
2016ലെ റിയോ ഒളിമ്ബിക്സില് 200 മീറ്റര് ബട്ടര്ഫ്ളൈ ഇനത്തില് ഇന്ത്യയെ പ്രതിനിധീകരിച്ച് സജന് മത്സരിച്ചിരുന്നു. 2015ലെ ദേശീയ ഗെയിംസില് പുരുഷവിഭാഗം ഫ്രീസ്റ്റൈല്, ബട്ടര്ഫ്ളൈ, റിലേ തുടങ്ങിയ മത്സര വിഭാഗത്തില് പങ്കെടുത്ത സജന് 6 സ്വര്ണ്ണവും 3 വെള്ളിയും നേടിയിരുന്നു. അതേസമയം, ഇന്ത്യന് നീന്തലിന് ഇത് ചരിത്ര മുഹൂര്ത്തമാണെന്ന് സ്വിമ്മിംഗ് ഫെഡറേഷന് ഓഫ് ഇന്ത്യ ട്വിറ്റീലൂടെ അറിയിച്ചു.
സെറ്റ് കോളി ട്രോഫിയിലെ മികച്ച പ്രകടനത്തിന് ശേഷമാണ് ഒളിമ്ബിക് ഗെയിംസിന് യോഗ്യത നേടുന്ന ആദ്യ നീന്തല് താരമായി ഇന്ത്യയിലെ സജന് പ്രകാശ് ശനിയാഴ്ച റോമില് ചരിത്രം കുറിച്ചത്. ബെനഗ്രേഡ് ട്രോഫി നീന്തല് മത്സരം എന്നും വിളിക്കപ്പെടുന്ന ഫിന അംഗീകൃത ഒളിമ്ബിക് യോഗ്യതാ മത്സരത്തില് പുരുഷന്മാരുടെ 200 മീറ്റര് ബട്ടര്ഫ്ലൈ ഇനത്തില് സ്വര്ണം നേടി ആറു ദിവസത്തിന് ശേഷമാണ് റോമില് സജന് പ്രകാശിന്റെ പുതിയ നേട്ടം. കേരളത്തില് നിന്നുള്ള 27 കാരനായ സജന് പ്രകാശ് രാജ്യം കണ്ട എക്കാലത്തെയും മികച്ച നീന്തല് താരങ്ങളില് ഒരാളാണ്.