Tuesday, June 15, 2021
 
 
News

തിരുവനന്തപുരം; അതിഥി തൊഴിലാളി ക്ഷേമം ഉറപ്പാക്കാൻ ജില്ലാതല സമിതി

07 May 2021 10:08 PM

ലോക്ക് ഡൗൺ കാലത്തു ജില്ലയിൽ താമസിക്കുന്ന അതിഥി തൊഴിലാളികളുടെ ക്ഷേമം ഉറപ്പാക്കുന്നതിനുള്ള നടപടികളുമായി ജില്ലാ ഭരണകൂടം. ഇതിന്റെ ഭാഗമായി ജില്ലാ കളക്ടർ അധ്യക്ഷയായി സമിതി രൂപീകരിച്ചു. അതിഥി തൊഴിലാളികളുടെ ഭക്ഷണം, ചികിത്സ, വാക്‌സിനേഷൻ, ബോധവത്കരണം തുടങ്ങിയ കാര്യങ്ങളിൽ സമിതി പ്രത്യേക ശ്രദ്ധവയ്ക്കുമെന്നു ജില്ലാ കളക്ടർ ഡോ. നവ്‌ജ്യോത് ഖോസ പറഞ്ഞു.

അസിസ്റ്റന്റ് കളക്ടർ, ദുരന്ത നിവാരണ വിഭാഗം ഡെപ്യൂട്ടി കളക്ടർ, ജില്ലാ ലേബർ ഓഫിസർ(ജനറൽ), ജില്ലാ ലേബർ ഓഫിസർ(എൻഫോഴ്‌സ്‌മെന്റ്), കോർപ്പറേഷൻ സെക്രട്ടറി, ജില്ലയിലെ മുനിസിപ്പൽ സെക്രട്ടറിമാർ, ബന്ധപ്പെട്ട അസിസ്റ്റന്റ് ലേബർ ഓഫിസർമാർ, പഞ്ചായത്ത് സെക്രട്ടറിമാർ എന്നിവരാണു സമിതിയിലെ അംഗങ്ങൾ. ജില്ലാ ലേബർ ഓഫിസർ(എൻഫോഴ്‌സ്‌മെന്റ്) ആണു കൺവീനർ.

അതിഥി തൊഴിലാളികൾക്കു മുൻഗണനാ ക്രമത്തിൽ കോവിഡ് പരിശോധന, വാക്‌സിനേഷൻ എന്നിവ സമിതി ഉറപ്പാക്കും. ആവശ്യമുള്ളവർക്കു ഭക്ഷ്യവകുപ്പുമായി സഹകരിച്ചു തദ്ദേശ സ്ഥാപനങ്ങളുടെ നേതൃത്വത്തിൽ ഭക്ഷണമെത്തിക്കും. കോൺട്രാക്ടർമാർ തൊഴിളികളുടെ ക്ഷേമം ഉറപ്പാക്കണം. രോഗലക്ഷണങ്ങളുള്ളവരെ ഐസൊലേറ്റ് ചെയ്യണം. വാടക കുടിശികയുടെ പേരിൽ തൊഴിലാളികളെ താമസസ്ഥലത്തുനിന്നു മാറാൻ നിർബന്ധിക്കരുത്. എ.എൽ.ഒമാർ ഇത് ഉറപ്പാക്കണം. അതിഥി തൊഴിലാളികൾക്കായി ജില്ലാതത്തിൽ കൺട്രോൾ റൂം സജ്ജമാക്കിയിട്ടുണ്ട്. തൊഴിലാളികൾക്ക് ജില്ലാ ലേബർ ഓഫിസിലെ 0471 2783944, 9447440956 എന്നീ നമ്പറുകളിൽ ബന്ധപ്പെടാമെന്നും കളക്ടർ അറിയിച്ചു.

Related News

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration