മീങ്കര ഡാം പരിസരത്ത് നിന്നും രണ്ട് മാസം പഴക്കമുള്ള മൃതദേഹം കണ്ടെത്തി
ന്യൂഡല്ഹി: കോഴിക്കോട്, എറണാകുളം, തൃശൂര്, മലപ്പുറം, കോട്ടയം, ആലപ്പുഴ ജില്ലകളില് കോവിഡിെന്റ തീവ്രവ്യാപനമുണ്ടെന്ന് ആരോഗ്യ മന്ത്രാലയ ജോയന്റ് സെക്രട്ടറി ലവ് അഗര്വാള് പറഞ്ഞു. മറ്റു ജില്ലകളിലും കേസുകള് ഉയരുന്നുണ്ട്. കൂടാതെ കര്ണാടകയില് ബംഗളൂരു, മൈസൂരു, തമിഴ്നാട്ടില് ചെന്നൈ, ഹരിയാനയില് ഗുരുഗ്രാം, ബിഹാറില് പട്ന, ആന്ധ്രയില് ചിറ്റൂര്, ഉത്തരഖണ്ഡില് ഡറാഡൂണ്, മഹാരാഷ്ട്രയില് സത്ര, സോളാപുര് ജില്ലകളിലും സ്ഥിതി ആശങ്കജനകമാണെന്നും ബുധനാഴ്ച നടത്തിയ വാര്ത്തസമ്മേളനത്തില് അദ്ദേഹം പറഞ്ഞു.
മഹാരാഷ്ട്ര, ഉത്തര്പ്രദേശ്, ഡല്ഹി, ഛത്തിസ്ഗഢ്, ഗുജറാത്ത്, മധ്യപ്രദേശ്, തെലങ്കാന തുടങ്ങിയ സംസ്ഥാനങ്ങളില് പ്രതിദിന രോഗികള് കുറയുന്നുണ്ട്. എന്നാല് കര്ണാടക, കേരളം, തമിഴ്നാട്, ആന്ധ്ര, പശ്ചിമബംഗാള്, രാജസ്ഥാന്, ബിഹാര്, ഹരിയാന, ഒഡിഷ, പഞ്ചാബ്, ഉത്തരഖണ്ഡ്, ജമ്മു- കശ്മീര് എന്നിവിടങ്ങളില് ഉയരുകയാണ്. കേരളം ഉള്പ്പെടെ 12 സംസ്ഥാനങ്ങളില് ചികിത്സയിലുള്ള രോഗികളുടെ എണ്ണം ഒരു ലക്ഷത്തിന് മുകളിലാണ്. മഹാരാഷ്ട്രയില് 6.40 ലക്ഷത്തിലേറെയും കര്ണാടകയില് 4.64 ലക്ഷത്തിലേറെയും കേരളത്തില് മൂന്നര ലക്ഷത്തിലേറെയും പേരും ചികിത്സയിലുണ്ടെന്നും അദ്ദേഹം വിശദീകരിച്ചു.
അതേസമയം, കൂടുതല് വ്യാപനശേഷിയോടെ വൈറസിന് വീണ്ടും ജനിതകമാറ്റം വരാമെന്നും രാജ്യത്ത് കോവിഡ് മൂന്നാം തരംഗം ഉറപ്പാണെന്നും കേന്ദ്ര സര്ക്കാറിെന്റ മുഖ്യ ശാസ്ത്ര ഉപദേശകന് ഡോ.കെ. വിജയരാഘവന് പറഞ്ഞു. വാക്സിനുകള് അതിനനുസരിച്ച് പുതുക്കേണ്ടിവരും.
മൂന്നാംതരംഗം എപ്പോള് വരുമെന്ന് പറയാനാവില്ല. നാം തയാറായിരിക്കണം. ആദ്യത്തെ കോവിഡ് വൈറസ് പോലെ തന്നെയാണ് വകഭേദങ്ങളും വ്യാപിക്കുന്നത്. നിലവിലെ വകഭേദങ്ങള്ക്ക് ഇപ്പോഴത്തെ വാക്സിന് ഫലപ്രദമാണ്. ഇന്ത്യയിലും ലോകത്തും പുതിയ വകഭേദങ്ങളുണ്ടാകുന്നുണ്ടെന്നും അദ്ദേഹം വ്യക്തമാക്കി