തിരുവനന്തപുരം ജില്ലയിലെ പുതിയ കണ്ടെയിൻമെന്റ് സോണുകൾ പ്രഖ്യാപിച്ചു

News Desk

27 April 2021 09:49 PM

കണ്ടെയിൻമെന്റ് സോണുകൾ

കോവിഡ് രോഗവ്യാപനം നിയന്ത്രിക്കുന്നതിന്റെ ഭാഗമായി തിരുവനന്തപുരം കോർപ്പറേഷനിൽ മെഡിക്കൽ കോളജ്, വലിയശാല, നന്ദൻകോട്, കുളത്തൂർ, പൂജപ്പുര ഡിവിഷനുകളെയും പുല്ലമ്പാറ പഞ്ചായത്തിൽ 14-ാം വാർഡ്, കല്ലിയൂർ പഞ്ചായത്തിൽ നാലാം വാർഡ്, ഇടവ പഞ്ചായത്ത് 13,14,15 വാർഡുകൾ, വിതുര പഞ്ചായത്തിൽ ഒന്നു മുതൽ 17 വരെ വാർഡുകൾ എന്നീ പ്രദേശങ്ങളെ വാർഡ് കണ്ടെയ്ൻമെന്റ് സോണായും തിരുവനന്തപുരം കോർപ്പറേഷനിൽ പാങ്ങോട്, തിരുമല, തൃക്കണ്ണാപുരം, നെയ്യാറ്റിൻകര മുനിസിപ്പാലിറ്റിയിൽ വഴിമുക്ക് - വിവേകാനന്ദ ലൈൻ, മടവൂർ പഞ്ചായത്തിൽ വട്ടലൂർക്കാവ്, പാങ്ങോട് പഞ്ചായത്തിൽ അംബേദ്കർ കോളനി എന്നിവിടങ്ങളെ മൈക്രോ കണ്ടെയ്ൻമെന്റ് സോണായും പ്രഖ്യാപിച്ചതായി ജില്ലാ കളക്ടർ ഡോ. നവ്‌ജ്യോത് ഖോസ അറിയിച്ചു.

ജില്ലയിൽ 15,189 പേർക്കു വാക്‌സിൻ നൽകി

ജില്ലയിൽ ഇന്നലെ (27 ഏപ്രിൽ) 15,189 പേർക്കു കോവിഡ് വാക്‌സിൻ നൽകിയതായി ജില്ലാ മെഡിക്കൽ ഓഫിസിൽനിന്ന് അറിയിച്ചു. 51 സെഷനുകളിലായാണു വാക്‌സിനേഷൻ നടന്നത്. ഇന്ന്(ഏപ്രിൽ 28) 28 കേന്ദ്രങ്ങളിൽ വാക്‌സിനേഷൻ വാക്‌സിനേഷൻ ഉണ്ടാകും. കോവിൻ പോർട്ടൽ വഴി മുൻകൂട്ടി രജിസ്റ്റർ ചെയ്യുന്നവർക്കാകും വാക്‌സിനേഷൻ നൽകുക. വാക്‌സിൻ സ്വീകരിക്കാനെത്തുന്ന എല്ലാവരും കോവിൻ പോർട്ടലിൽനിന്നു ലഭിക്കുന്ന അപ്പോയിന്റ്‌മെന്റ് സ്ലിപ്പും തിരിച്ചറിയൽ കാർഡും നിർബന്ധമായും കൊണ്ടുവരണം. തിരക്ക് ഒഴിവാക്കാൻ അപ്പോയിന്റ്‌മെന്റ് സ്ലിപ്പിൽ കാണിച്ചിരിക്കുന്ന സമയത്തു മാത്രം കേന്ദ്രങ്ങളിലെത്തിയാൽ മതിയെന്നും ജില്ലാ മെഡിക്കൽ ഓഫിസിൽനിന്ന് അറിയിച്ചു.