Saturday, April 17, 2021
 
 
News Technology

ചൊവ്വയില്‍ 400 വര്‍ഷം പഴക്കമുള്ള വിചിത്ര തടാകം കണ്ടെത്തി ഗവേഷകര്‍

the indian state Admin
03 April 2021 10:00 PM

ചൊവ്വയില്‍ ജീവന്റെ കണിക അന്വേഷിച്ചുള്ള യാത്രയിലാണ് ശാസ്ത്രലോകം. ഇതിന് പ്രതീക്ഷയേകുന്ന ഒരു കണ്ടെത്തലാണ് ഇപ്പോള്‍ പുറത്തുവരുന്നത്. ചൊവ്വയില്‍ വിചിത്രമായൊരു തടാകം കണ്ടെത്തിയിരിക്കുകയാണ് ശാസ്ത്രലോകം. വറ്റി വരണ്ട അവസ്ഥയിലുള്ള തടാകമാണ് ഗവേഷകര്‍ കണ്ടെത്തിയത്. ജലസാന്നിദ്ധ്യം വ്യക്തമാക്കുന്ന തെളിവുകള്‍ തടാകം സ്ഥിതി ചെയ്തിടത്ത് നിന്നും കണ്ടെത്തിയെന്നും ഗവേഷകര്‍ അഭിപ്രായപ്പെടുന്നു.

ചൊവ്വയില്‍ ഹെല്ലാസ് ബേസിന്‍ എന്നറിയപ്പെടുന്ന മേഖലയിലാണ് 400 വര്‍ഷം പഴക്കമുള്ള തടാകം കണ്ടെത്തിയത്. പഴയ കാലത്ത് നന്നായി ജലം നിറഞ്ഞിരുന്നുവെന്ന് ഗവേഷണത്തിന് മേല്‍നോട്ടം നല്‍കിയ യുഎസിലെ ബ്രൗണ്‍ സര്‍വ്വകലാശാല ശാസ്ത്രജ്ഞര്‍ പറഞ്ഞു. മഞ്ഞുരുകിയ ജലമാണ് തടാകത്തില്‍ നിറഞ്ഞത്. ചൊവ്വയിലെ ആദിമകാല കാലാവസ്ഥയെ കുറിച്ച്‌ വിവരം നല്‍കുന്നതാണ് പുതിയ കണ്ടെത്തലെന്ന് ശാസ്ത്രജ്ഞര്‍ പറയുന്നു.

നാസയുടെ മാഴ്‌സ് റെക്കൊണൈസെന്‍സ് ഓര്‍ബിറ്റര്‍ പകര്‍ത്തിയ ചിത്രങ്ങളില്‍ ഒന്നിലാണ് ബ്രൗണ്‍ സര്‍വ്വകലാശാലയിലെ ശാസ്ത്രജ്ഞര്‍ പുതിയ തടാകം കണ്ടെത്തിയത്. ഇത്തരത്തില്‍ നാല്‍പതില്‍ അധികം തടാകങ്ങള്‍ ചൊവ്വയിലുണ്ടെന്നാണ് ശാസ്ത്രജ്ഞര്‍ പറയുന്നത്. ചൊവ്വയില്‍ തടാകങ്ങള്‍ കണ്ടെത്തുന്നത് ഇതാദ്യമല്ല. ഇപ്പോള്‍ നാസയുടെ ചൊവ്വാ ദൗത്യമായ പെര്‍സിവിറന്‍സ് ഇറങ്ങിയിരിക്കുന്ന ജെസീറോ ക്രേറ്റര്‍ മേഖലയിലും പണ്ട് തടാകമായിരുന്നു

Related News

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration