അംബാനിക്ക് ഭീഷണി: കേസ് എന്.െഎ.എക്ക് കൈമാറി
മുംബൈ: മുകേഷ് അംബാനിയുടെ വീടിനടുത്ത് ഭീഷണിക്കത്തും സ്ഫോടകവസ്തുക്കളുമായി സ്കോര്പിയോ കാര് കണ്ടെത്തിയ കേസ് കേന്ദ്ര ആഭ്യന്തരമന്ത്രാലയം ദേശീയ അന്വേഷണ ഏജന്സിക്ക് (എന്.െഎ.എ) കൈമാറി. സ്കോര്പിയോ കണ്ടെത്തിയത്, കാറിെന്റ ഉടമ മന്സുഖ് ഹിരേെന്റ ദുരൂഹമരണ കേസുകള് മഹാരാഷ്ട്ര സര്ക്കാര് ഭീകരവിരുദ്ധ സേനക്ക് (എ.ടി.എസ്) കൈമാറി രണ്ടു ദിവസം തികയും മുമ്ബാണിത്.
ഇരുകേസും എ.ടി.എസ് തന്നെ അന്വേഷിക്കുമെന്ന് ആഭ്യന്തരമന്ത്രി തിങ്കളാഴ്ചയും നിയമസഭയില് ആവര്ത്തിച്ചിരുന്നു. കേസ് ഏറ്റെടുക്കാനുള്ള നീക്കത്തിലാണ് എന്.െഎ.എ. അതേസമയം, മന്സുഖ് ഹിരേെന്റ മരണം എ.ടി.എസ് തന്നെ അന്വേഷിക്കും. ഹിരേെന്റ ഭാര്യയുടെ പരാതിയില് അജ്ഞാതര്ക്കെതിരെ കൊലപാതകത്തിന് കേസെടുത്ത എ.ടി.എസ് അന്വേഷണമാരംഭിച്ചു.
കഴിഞ്ഞ 25നാണ് ജലാറ്റിന് സ്റ്റിക്കുകളുമായി അംബാനിയുടെ വീടിനടുത്ത് സ്കോര്പിയോ കണ്ടെത്തിയത്. കാര് കൊണ്ടുനിര്ത്തിയ ഡ്രൈവര്, അയാളുമായി കടന്നുകളഞ്ഞ വെള്ള ഇന്നോവ കാര് എന്നിവയെ കുറിച്ച് പൊലീസിന് ഇതുവരെ തുമ്ബുകിട്ടിയിട്ടില്ല. ഇതിനിടയിലാണ് വെള്ളിയാഴ്ച കാറുടമയുടെ ദുരൂഹമരണം. കേസ് എന്.െഎ.എക്ക് കൈമാറണമെന്ന് പ്രതിപക്ഷ നേതാവ് ദേവേന്ദ്ര ഫഡ്നാവിസ് ആവര്ത്തിച്ച് ആവശ്യപ്പെട്ടിരുന്നു.
അര്ണബ് ഗോസ്വാമിക്ക് എതിരായ കേസുകള് അന്വേഷിക്കുന്ന ക്രൈംബ്രാഞ്ച് ഉദ്യോഗസ്ഥന് സചിന് വാസെക്ക് സംഭവത്തില് പങ്കുണ്ടെന്നാണ് ഫഡ്നാവിസിെന്റ ആരോപണം. എ.ടി.എസില് വിശ്വാസമില്ലാതെ കേസ് എന്.െഎ.എക്ക് കൈമാറുന്നതില് ദുരൂഹതയുണ്ടെന്നും സത്യം പുറത്തുകൊണ്ടുവരുമെന്നും മുഖ്യമന്ത്രി ഉദ്ധവ് താക്കറെ പറഞ്ഞു.
ഇത് രണ്ടാം തവണയാണ് കേന്ദ്രം മഹാരാഷ്ട്രയെ മറികടന്ന് കേസുകള് എന്.െഎ.എക്ക് കൈമാറുന്നത്. പ്രമുഖ ആക്ടിവിസ്റ്റുകള് അറസ്റ്റിലായ ഭീമ കൊറഗോവ് കേസില് ശിവസേന സര്ക്കാര് പുനരന്വേഷണത്തിന് തയാറായപ്പോള് കേസ് എന്.െഎ.എക്ക് കൈമാറിയത് വിവാദമായിരുന്നു. ബി.ജെ.പി ഭരണകാലത്തെ കേസാണിത്.