ഇത് ഫാസിസ്റ്റ് മനോഭാവം; മലയാളി മാധ്യമ പ്രവര്ത്തകരുടെ സുരക്ഷ ഉറപ്പാക്കും: മുഖ്യമന്ത്രി
തിരുവനന്തപുരം: മംഗലാപുരത്ത് വാര്ത്ത റിപ്പോര്ട്ട് ചെയ്യാനെത്തിയ മലയാളി മാധ്യമ പ്രവര്ത്തകരുടെ സുരക്ഷ ഉറപ്പാക്കാന് എല്ലാ തരത്തിലുള്ള ഇടപെടലും നടത്തുമെന്ന് മുഖ്യമന്ത്രി പിണറായി വിജയന്. റിപ്പോര്ട്ടര്മാരെ കസ്റ്റഡിയില് നിന്ന് വിട്ടയക്കുന്നത് ഉറപ്പാക്കാന് സംസ്ഥാന പോലീസ് മേധാവി കര്ണാടക പോലീസുമായി ബന്ധപ്പെടുന്നുണ്ട്. മാധ്യമപ്രവര്ത്തകരെ അക്രമകാരികളായും അവരുടെ വാര്ത്താ ശേഖരണ ഉപകരണങ്ങളെ മാരകായുധങ്ങളായും ചിത്രീകരിച്ചുള്ള പ്രചരണങ്ങളെ ശക്തമായി അപലപിക്കുന്നു. മാധ്യമ സ്വാതന്ത്ര്യത്തിനു നേരയുള്ള കടന്നാക്രമണം ഫാസിസ്റ്റ് മനോഭാവമാണ്.അതിനെതിരെ ശക്തമായ പൊതുജനാഭിപ്രായം ഉയരമെന്നും മുഖ്യമന്ത്രി വ്യക്തമാക്കി.