കേരളത്തില് കൊവിഡ് രോഗമുക്തി നേടിയത് 143 പേർ
തിരുവനന്തപുരം: സംസ്ഥാനത്തിന് ഇന്നും ആശ്വാസം. സംസ്ഥാനത്ത് ഇന്ന് 19 പേര്ക്ക് കൂടി കൊവിഡ് രോഗമുക്തി നേടി. ഇതോടെ സംസ്ഥാനത്ത് കൊവിഡ് രോഗം ഭേദമാകുന്നവരുടെ എണ്ണം 143 ആയി ഉയര്ന്നു. മുഖ്യമന്ത്രി നടത്തിയ വാര്ത്ത സമ്മേളനത്തിലാണ് ഇക്കാര്യം അറിയിച്ചത്. കാസര്കോട് 9 പേര്ക്കും, പാലക്കാട് നാല് പേര്ക്കും, തിരുവനന്തപുരം മൂന്ന് പേര്ക്കും, ഇടുക്കി രണ്ട് പേര്ക്കും തൃശ്ശൂര് ഒരാള്ക്കുമാണ് ഇന്ന് രോഗം ഭേദമായത്. ഇതോടെ സംസ്ഥാനത്ത് ചികിത്സയില് കഴിയുന്നവരുടെ എണ്ണം 228 ആയി.
കണ്ണൂരാണ് ഏറ്റവും കൂടുതൽ ആളുകൾ രോഗമുക്തി നേടിയത്. 36 പേർക്ക് കണ്ണൂർ ജില്ലയിൽ രോഗം ഭേദമായത്. കാസര്കോടന് രണ്ടാമത്. ഏറ്റവും കൂടുതൽ കോവിഡ് കേസുകൾ വന്ന ജില്ലയാണ് കാസർഗോഡ്. ഇവിടെ 33 പേർക്കാണ് രോഗം ഭേദമായത്. എറണാകുളത്ത് പതിനഞ്ചും തിരുവനന്തപുരത്ത് 11 പേരും രോഗമുക്തി നേടി. ഇടുക്കി - 9, പത്തനംതിട്ട,തൃശൂർ - 8, കോഴിക്കോട് - 6, മലപ്പുറം, പാലക്കാട് - 4, കോട്ടയം - 3, കൊല്ലം, ആലപ്പുഴ, വയനാട് - 2 എന്നിങ്ങനെയാണ് മറ്റു ജില്ലകളിലെ കണക്കുകൾ. കോട്ടയം ജില്ലയിൽ രോഗബാധിതരായ 3 പേരും രോഗമുക്തി നേടി എന്നതും പ്രത്യേകതയാണ്.